[泰北咖喱金麵配燒雞] -$128
泰式咖喱金麵係泰北傳統出名菜式，因其黃金色的麵條而命名。金麵主要以小麥製作的雞蛋麵，係呢度配上兩種食法配上咖喱汁，分別係以正常的金麵同炸到香脆的金麵，試過後兩者都夾到。另外再配燒雞扒，份量都好大，雞皮煎得香脆而肉質保持嫩滑。
[蟹肉奄列] - $178
上枱已經聞到陣陣蛋香，奄列Size好大，切開後縷煙徐徐上升。蟹肉遍佈整個奄列，一入口首先會食到濃列的蛋香味，之後就食到蟹肉的鮮味，點埋泰國辣椒醬就更加惹味。
[小食拼盤] -$188
小食拼盤包括好多野，首先最吸引一定係泰式蝦片，點埋惹味泰式辣椒醬食極唔停口。之後仲有雞肉咖喱串，雞肉有預先餣制同埋煎香兩邊先再沾上咖喱醬。炸墨肉餅整得香口，係墨魚膠內仲加上墨魚粒，所以會食到兩款口感。最後就係比較少有的泰國雞棗，類似魚餅，但比魚餅更加有口感，味道唔會過鹹。
[芒果檽米飯-生日版] -$128
呢道真係有驚喜，芒果檽米飯就食得多，但做到生日蛋糕就真係第一次，除左打卡外，味道都唔錯。首先主角之一的芒果夠甜，檽米飯新鮮熱辣，所以質感唔會太硬，配埋暖暖的椰汁，絕對係檽米飯的絕配!
整體黎講，Restaran SAYA無論係環境同食物質素同特式上面都做得好好，尤其芒果檽米飯蛋糕有驚喜! 唔怪之連續兩年得到米芝連推介!
