立鮨 (富達大廈)

营业中

休息中

我近來都留意到香港都開咗好多立食壽司，我覺得立食壽司通常都唔差嘅。如果唔係，客人點會寧願企喺吧枱度咁耐，食哂成餐晚飯呢！所以我都係旺角揀咗一間幾多人排隊嘅立食壽司。一開始嚟咗一碗我點嘅蝦頭濃湯，蝦頭黑媽媽係因為廚師攞嚟燒過嘅，個湯應該係熬製咗好耐，所以好香蝦味！之後食咗啲櫻花蝦玉子燒，上邊仲有少少嘅魚子，玉子燒好滑，入邊有唔少嘅櫻花蝦，好特別。之後係「海之幸盛合」套餐，分別有北海道帶子壽司、珍寶甜蝦壽司、北海道象拔蚌壽司、海膽壽司、牡丹蝦壽司，全部都係海產，好鮮甜！一個套餐唔洗揀！啱哂心大心細嘅我！