銅鑼灣🚇嘅「狸小路北海道涮涮鍋、壽喜燒、和牛專門店」😋主打北海道直送食材🇯🇵一人一鍋涮涮鍋同埋壽喜燒🔥性價比十足，真係大滿足！
🎁打卡送飲品
一入座就有驚喜🎉，打卡上載到社交平台tag返店家✨就可以免費獲得飲品一杯🍹，我哋揀咗可爾必思梳打同海鹽白桃梳打💙。可爾必思帶住清爽乳酸味🥛配合氣泡口感好refreshing😌，海鹽白桃梳打就更加香甜誘人🍑微微嘅海鹽提升咗成個桃味👍🏻。
🥩壽喜燒配和牛赤身A4+
我揀咗壽喜燒套餐🍲選配130g和牛赤身A4+ 😍，和牛肉質帶住少少大理石花紋，赤身部位唔會咁油膩🤩，喺鍋入面落牛脂加熱🧈然後放洋蔥🧅再加入特製壽喜燒汁煮牛肉🥢，微甜嘅醬汁將和牛汁煮至軟腍🤤，沾埋生蛋汁一齊食👅，牛味香濃又鮮嫩，真係好滿足呀！
🌊北海道海膽高湯配130g豚五花
朋友仔就揀咗佢哋嘅招牌💛北海道海膽高湯(+$58)，呢個湯底色澤艷麗到令人流晒口水🤤，一啖湯入口已經感受到濃濃嘅海膽鮮味爆發😍，層次豐富又鮮甜。呢種海膽湯如果係🇯🇵日本食都要8000円一個人💴即係都成$4xx，但喺呢度最平二百幾就食到💰，真係超高性價比🤩！配埋130g北海道米豚，✨油脂甜美而不油膩，🐖肉質鮮嫩柔軟到極點🥰，放落海膽高湯涮幾涮🥢已經熟透又juicy😋，每一片都吸滿咗海膽嘅鮮甜真係好好味！
🥗蔬菜拼盤同主食
套餐仲包埋色彩繽紛嘅蔬菜拼盤🥬，兩款鍋都為蔬菜注入精彩嘅香甜味道🌱，食得超滿足。主食方面可以揀北海道米飯🍚、拉麵或者烏冬🍜，份量都好足夠👍，將主食放入湯底煮成雜炊🍲吸收晒成個鍋同肉嘅精華💕，真係和味到不得了👏！
🍮甜品
最後侍應送上飯後甜品，係日式嘅小蛋捲，賣相精緻✨甜度適中又好吃🤤為呢餐畫上完美句號。
2
呢間一人一鍋🍲專門店好啱一至四個人去享受🥢靚和牛同高質湯底😍，真心推介俾鍾意日式火鍋嘅朋友仔💕。
