七福神和食亭

营业中

休息中

返左咁耐工，終於都放假啦！我自己有個習慣，就係放假嘅時候一定會上網搵下一啲特色好食嘅餐廳，比自己好好咁放鬆一下！今日搵咗呢一間喺佐敦嘅七福神和食亭！一望落去就知道呢間餐廳好吸引，所以就帶咗男朋友過嚟食飯！叫咗一份蟹子沙律，呢一個蟹子沙律真係超級誇張，超級巨型！而且入面嘅蟹子沙律亦都非常豐富，超級多蟹子同埋入面嘅青瓜絲好甜！加埋沙律醬嘅酸味一齊食，真係非常開胃！另外仲叫咗一份蟹味噌甲羅燒，另外在用咗鱈魚干一齊食，成個蟹味非常出色！好香嘅蟹膏味道，而且呢個鱈魚乾亦都好好味，非常鬆脆！另外仲叫咗一件牡丹蝦壽司😍就咁睇呢件壽司就已經覺得好精緻，蝦肉晶瑩剔透！真係好似一件藝術品咁，而且食入去嘅時候好鮮甜❤️