竹面譜

营业中

休息中

太子人氣街坊小店，每次經過都大排長龍，主打港式粉麵飯、夢王蛋料理、A5和牛、脆炸小食等。豪華限量餐包含鮑汁冬菇花膠鍋配關廟麵及時蔬同鹿兒島直送頂級A5和牛配夢王蛋。冬菇大塊入味、花膠軟腍滑溜、和牛入口即化、關廟麵軟硬度適中，配埋濃郁蛋味嘅得獎夢黃蛋，令人忍唔住一啖接一啖，大大力推介。記得留肚食炸物，韭菜餃、蜆蚧鯪魚球、花枝丸、雲吞、墨魚餅等，私心Encore雞翼，外層炸至酥脆可口，薄身且唔油，肉質嫩滑多汁，當你好飽但仍然繼續食嘅時候就知有幾好味、鮮奶卷同樣出色，金黃酥脆，內裡滑溜，奶香味出，當係甜品就最合適不過。和風豬軟骨炆得幾淋，骨膠原滿滿，大件夾抵食，適合多人分享。