麵尊

营业中

休息中

今晚想簡簡單單，但豐富咁食個晚餐，所以就食車仔麵，因為可以自主咁揀自己想食嘅嘢。去到銅鑼灣嘅麵尊，見到門口排晒隊，所以拎咗紙仔邊排隊，邊揀定食咩先。點知原來唔使等好耐，好快有得入去坐。我揀咗嘅超級晚餐有墨魚丸，咖喱魚蛋，雞中翼，豬頸肉，蟹柳，芝士腸，同埋紫菜。特別欣賞個豉油雞翼，有住家飯嘅味道。墨魚丸就大大粒。麵就唔使問我，一定揀米線，十蚊嘅米線估唔到有咁多。啲湯加咗甜甜哋嘅腩汁，但唔會搶咗啲餸嘅味道。冇住家飯食都要記得食菜，所以我揀咗蠔油生菜。而家咁熱，當然再加涷冰冰喝蜂蜜蘋果茶，有好多蘋果粒，好有質感。