東記上海麵

营业中

休息中

大埔街市熟食中心的東記最出名是炸豬扒麵 長期有客人坐滿 除了炸豬扒出名 朋友亦推薦炸雞翼 如果想一次過試兩款炸物 可以選擇雙拼 價錢一樣 麵底選擇了上海幼麵清湯豬扒同雞翼即叫即炸 兩者脆漿薄身 油炸火喉同調味控制得剛剛好 豬扒夠肥 不會太瘦太乾 咬開有肉汁 雞翼亦十分有驚喜 同豬扒一樣人口感十分香口鬆脆 但咬開又有好多肉汁上海幼麵同湯底就正正常常 麵底會有幾條菜心 如果想湯底濃味些 餐廳每張枱都有辣椒油 辣椒油十分惹味 如果去開大埔街市 炸豬扒雞翼麵十分值得一試