一鳴丼食堂

营业中

休息中

今日同朋友黎到大埔一嗚丼食堂食丼飯舖頭空間唔大座位唔多，尚算整潔企理我叫左四重火焰盛丼飯，有三文魚，帶子，左口魚邊同蟹棒。賣相唔錯，，面頭有一隻温泉蛋，但温泉蛋蛋黃過熟，無左流質嘅蛋醬。三文魚同蟹棒都有炙燒嘅焦香味，左口魚邊亦都油份充足而且有彈牙嘅感覺，但個人略嫌左口魚邊份量少左啲，而其他魚生份量就相對充足，所以我地食嘅時候都要問侍應拎多隻碟。朋友就叫左北海五品盛，同樣賣相吸引，魚生份適充足，丼飯有三文魚，油甘魚，帶子，海膽，同牡丹蝦。帶子同牡丹蝦大隻又鮮甜，而海膽亦都無任何腥味，非常新鮮。另外，我地仲叫左一客三文魚腩刺身，三文魚厚切之餘，面頭仲𠝹埋花，非常有誠意。而味道方面更加係好鮮甜，雖然油份唔係非常充足，但口感一流，非常滿足。除左丼飯魚生類，佢仲有其他熟食例如便當可以叫，但當日我地淨係試左丼飯同一款刺身，下次有緣嘅話可以試埋便當。