影片
更多
2016-02-14
1006 浏览
第一站，大埔熟食中心- 超犯規厚切炸豬扒+ 下午茶前就賣光 大埔人氣西多士很多有留意睇過bagel食記的孩子們，也知我很愛在熟食中心中尋食。 因為熟食中心好多時都有好多臥虎藏龍，好容易就會發掘到令人wow 岀聲嘅食物。去嘉道理農場，需要坐 巴士，咁巴士站就係熟食中心前面，食飽先去行山，咁先有力家嘛！說到大埔熟食中心的人氣餐店，一定非東記上海麵莫屬，大大塊金黃酥脆嘅炸豬扒，絕對惹人犯罪！十二點半來到大埔熟食中心，人流應真多，找到了東記上海麵埔的位置，可惜人太多，屬於東記的座位已經一早爆滿。要等位？No! 要失望而回？ No! 要食過呢一間？ Ai! 岩一半啦！ 雖然熟食中心的枱是有被劃分了特定的枱號，坐係人地舖頭嘅枱凳，就一定要幫襯佢地，但係！無話唔可以食其他舖嘅食物！Bagel在東記上海麵隔離的舖位前找了個位置，坐下後點了一樽可樂，這可樂就變成在熟食中心的通行證，可以自由買店以外的食物。先到東記上海麵，店家的招牌有兩款，一款是炸豬扒，另一款是炸雞翼，除此之外，還有不同的餸類，如雪菜肉絲，竹筍肉絲等。 點了一碗炸豬扒竹筍肉絲幼雙拼上海麵$24。 既然單點豬扒和雙拼同價，當然是點雙拼的了。
第一站，大埔熟食中心- 超犯規厚切炸豬扒+ 下午茶前就賣光 大埔人氣西多士
很多有留意睇過bagel食記的孩子們，也知我很愛在熟食中心中尋食。 因為熟食中心好多時都有好多臥虎藏龍，好容易就會發掘到令人wow 岀聲嘅食物。
去嘉道理農場，需要坐 巴士，咁巴士站就係熟食中心前面，食飽先去行山，咁先有力家嘛！
說到大埔熟食中心的人氣餐店，一定非東記上海麵莫屬，大大塊金黃酥脆嘅炸豬扒，絕對惹人犯罪！
十二點半來到大埔熟食中心，人流應真多，找到了東記上海麵埔的位置，可惜人太多，屬於東記的座位已經一早爆滿。要等位？No! 要失望而回？ No! 要食過呢一間？ Ai! 岩一半啦！ 雖然熟食中心的枱是有被劃分了特定的枱號，坐係人地舖頭嘅枱凳，就一定要幫襯佢地，但係！無話唔可以食其他舖嘅食物！
Bagel在東記上海麵隔離的舖位前找了個位置，坐下後點了一樽可樂，這可樂就變成在熟食中心的通行證，可以自由買店
以外的食物。
先到東記上海麵，店家的招牌有兩款，一款是炸豬扒，另一款是炸雞翼，除此之外，還有不同的餸類，如雪菜肉絲，竹筍肉絲等。
點了一碗炸豬扒竹筍肉絲幼雙拼上海麵$24。 既然單點豬扒和雙拼同價，當然是點雙拼的了。
炸豬扒大大塊，色澤金黃，單看外表已經知道足料！
吃下，熱辣辣，外皮酥脆，酥邊薄身，不會似一些店舖，粉漿同豬扒比例為1比1般離譜。 一口咬下，先是邊位的香脆可口，再來則是豬扒的肉油脂香。
豬扒醃味得宜，不會過咸又不會淡而無味，豬扒肉質人性化，不會被鬆肉粉醃得過火又不會韌過食橡皮筋。
再來是竹筍肉絲，竹筍爽身，味下惹味帶甜，不會吃到竹筍的怪味( 一種酸臭味) ，肉絲同樣惹味，最重要是雙拼後，每樣餸份並無減半。
最後到麵條，有粗和幼的上海麵可選，選了後者。 據說麵條是老闆自家製造的，麵條偏向軟身，但未至於淋到爛，咬下依然有麵條應有的彈性( 據說隔離的世記上海麵，是東記的弟弟開的，麵條比東記的彈牙有韌性，而豬扒則以哥哥開的東記上海麵較優。)等緊豬扒麵嘅同時，bagel就走了去另一攤位尋食，被喻為大埔區最好吃的西多士，李記西多士。
张贴
