漢年茶餐廳

营业中

休息中

平日2點黎食大圍雞飯，都係坐無虛席！一坐低即刻叫左個雞飯要雞胸炒底，再試多個椒鹽豬扒飯炒底1. 雞飯（雞胸）炒底碟上 我自己鍾意啖啖肉，所以叫左雞胸，雞胸都完全唔鞋（當然冇得同雞髀肉比較），但我自己都好滿意！另外隻雞都好入味👍🏻👍🏻👍🏻雞肉份量都好多。另外加左$12 轉炒底，我就覺得好失色，個炒底完全唔香，當食白飯咁都冇乜分別，加左咁貴轉炒底，同期望嘅太大落差。2. 椒鹽豬扒飯炒飯碟上豬扒份量唔多但都大大件，椒鹽就唔係好見，亦唔見乾爽蒜粒，同時亦唔見椒絲，但講真味道就唔差嘅，入味兼辣辣地，我本人都過關，可惜都係個炒底麻麻，拉低左分數。整體而言，雞飯抵食，炒底可試，下次再去，會叫白飯.😜