松記糖水店

营业中

休息中

今日一食飽飯就黎到喇,雖然只係九點幾但已經需要等位,不過都唔緊要喇,俾左張紙仔我地,就吹住水咁等喇, 不過只係等左10分鐘,就有得入去喇,竟然好好彩地有得坐卡位,完全唔會迫仲幾舒服,係等位果陣大家都已經揀定食咩,佢依間糖水店既單張幾靚,吸引到我地揀,之後我就叫左個幻彩明珠,用料十足呀,好大份!!!又多奶,芒果汁,份量真係非常充足,而且都好好味既甜品!其實當係下午茶或者夜晚都應該夠食,因為真係十分飽, 至於係生果方面真係咩都有西瓜,哈蜜瓜及芒果, 芒果切條,最緊要既係全部都非常鮮甜,D大珠十分爽口,好清甜,西米都好滑,而黑珍珠就有彈牙的感覺,涼粉又夠爽口,真係比十分,最緊要就係依到所有野既份量都好足,好抵食。