A.T.A.S

营业中

休息中

今日同同事來左呢間ATAS食lunch, 食新加坡菜，新加坡菜我地第一個諗到嘅就係喇沙，原來呢度仲有一款招牌，就係板麵。佢個板麵麵底有啲似刀削麵嘅質感，佢有湯同撈兩款，咁我叫左辣椒板麵就係撈麵，佢配咗濃厚嘅甜醬油味，配左菜心同埋水波蛋，仲有一堆辣椒醬俾你自己撈，但我試探性咁撈左少少，都已經好辣，所以最尾都無撈晒😂。另外就叫左個喇沙，味道好濃郁但都係有少少辣。小食我地就加左黃薑炸雞翼同埋咖椰吐司，雞翼醃得好入味同埋揸得啱啱好。咖椰吐司就非常邪惡，中間厚厚的咖椰，夾喺熱熱的吐司中間，入口即溶。飲品我哋就嗌咗一杯美綠恐龍同埋一杯玫瑰露美綠，非常正宗又濃郁。