影片
更多
2023-07-31
399 浏览
最近睇得promotion多，食片皮鴨心癮起~咁啱朋友call Friday Dinner,就搵咗新開酒樓試下~呢間酒樓由裝修至餐具都企企理理，個Menu又幾靚，感覺唔錯~嚟呢度主要目的就係食片皮鴨，睇下二食都幾抵，就點埋醬爆西芹炒鴨絲。食片皮鴨最怕餅皮同佐料唔夠，但呢度份量就俾到好足!仲有埋紅椒絲同芥末，鐘意點配都得!鴨皮片得薄薄帶少少脂肪，入口有油脂甘香，另外都有唔少鴨肉片，食得開懷~ 而醬爆西芹炒鴨絲亦頗令人驚喜，醬料非常香口而且炒得夠鑊氣，西芹爽口無渣，好食~我地仲點咗薑蔥焗桶蠔，原本預食物份量應該剛好，點知一打開煲蓋，就見到手掌咁大嘅蠔肉，真係好誇張! 桶蠔應該略為炸過，加上煲仔將薑蔥香氣迫晒出嚟，非常惹味~呢間酒樓雖然新開，不過都幾旺場，準備同朋友下次嚟試下點心~
呢間酒樓由裝修至餐具都企企理理，個Menu又幾靚，感覺唔錯~
嚟呢度主要目的就係食片皮鴨，睇下二食都幾抵，就點埋醬爆西芹炒鴨絲。食片皮鴨最怕餅皮同佐料唔夠，但呢度份量就俾到好足!仲有埋紅椒絲同芥末，鐘意點配都得!鴨皮片得薄薄帶少少脂肪，入口有油脂甘香，另外都有唔少鴨肉片，食得開懷~ 而醬爆西芹炒鴨絲亦頗令人驚喜，醬料非常香口而且炒得夠鑊氣，西芹爽口無渣，好食~
我地仲點咗薑蔥焗桶蠔，原本預食物份量應該剛好，點知一打開煲蓋，就見到手掌咁大嘅蠔肉，真係好誇張! 桶蠔應該略為炸過，加上煲仔將薑蔥香氣迫晒出嚟，非常惹味~
呢間酒樓雖然新開，不過都幾旺場，準備同朋友下次嚟試下點心~
张贴
