生昌潮州海鮮酒家

营业中

休息中

由細個屋企人帶我嚟食到而家約朋友出嚟打冷都會揀生昌。係自己食過數一數二嘅打冷店，因為餸菜都算大碟抵食，味道亦都保持水準。店舖設有室外或室內座位韭菜豬紅潮州嘢每次必叫，一大碗豬紅7/3比例唔會食幾舊就冇晒，今次豬紅鹹味減少更加好味滷水拼盤三拼組合，包括墨魚、鵝腸、豬大腸，底下仲鋪滿芽菜，三款滷水非常入味，墨魚，鵝腸彈牙，而豬大腸重滷水味，味道適中金銀蛋油麥菜原來可以要求加粉絲，上湯配鹹蛋皮蛋，好好味又清清地，唔錯！蠔餅例牌嘅份量已經好大，好抵食。炸得夠乾身唔會成口油，蠔仔大細適中完整。鍾意食蠔餅但又怕油膩嘅啱哂！