影片
更多
2024-05-11
157 浏览
呢排都成日去荃灣，所以就同朋友喺荃灣食埋飯先返屋企。朋友唔想行落地舖，所以就喺商場度搵一間餐廳食。見到有一間日本餐廳，都有好多客人，可惜太遲嚟，靠窗可以望住中庭嘅位置已經坐晒。望menu先知原來我有食過另一間分店，感覺都唔錯。主要都係卷物多嘅。一入去就見到有一個酒櫃，仲有隻安妮亞公仔坐落去都係QR code點單，就嗌咗幾款嘢啦。先上菜嘅係熱食，首先係煎餃子同埋芝麻雞翼。餃子煎得金黃色，但係就唔會話煎到燶晒而令到個皮變得太硬刮親個嘴。上枱嘅時候非常熱辣辣，所以都要攤一陣先可以食。咬落去見到佢嘅肉比菜多，最欣賞係佢放燥嘅位好闊，所以餃子就可以輕輕咁樣就點到醋，唔使食完之後係咁再點，而且醋嘅酸度唔會話太濃，覆蓋咗肉嘅味道。之後係芝麻雞翼，芝麻雞翼都係炸得好香脆同熱辣辣，所以都要攤一陣先可以食。見佢炸嘅功力一定有返咁上下，見到佢冇一個部位係炸到黑色咗，一咬落去有脆嘅聲音。咬完之後見到佢嘅炸皮唔會話好厚，而且肉汁亦都可以保存到。有少少微辣，但係可以接受嘅。雞翼亦都有好香嘅芝麻味。之後開始就食冷盤，打頭陣係食字嘅「柚你蝦我」，沙律有兩隻蝦，雪梨，蕃茄仔，一堆西柚同菜，當我以為係得呢啲伴菜嘅時候，一
先上菜嘅係熱食，首先係煎餃子同埋芝麻雞翼。餃子煎得金黃色，但係就唔會話煎到燶晒而令到個皮變得太硬刮親個嘴。上枱嘅時候非常熱辣辣，所以都要攤一陣先可以食。咬落去見到佢嘅肉比菜多，最欣賞係佢放燥嘅位好闊，所以餃子就可以輕輕咁樣就點到醋，唔使食完之後係咁再點，而且醋嘅酸度唔會話太濃，覆蓋咗肉嘅味道。
之後係芝麻雞翼，芝麻雞翼都係炸得好香脆同熱辣辣，所以都要攤一陣先可以食。見佢炸嘅功力一定有返咁上下，見到佢冇一個部位係炸到黑色咗，一咬落去有脆嘅聲音。咬完之後見到佢嘅炸皮唔會話好厚，而且肉汁亦都可以保存到。有少少微辣，但係可以接受嘅。雞翼亦都有好香嘅芝麻味。
之後開始就食冷盤，打頭陣係食字嘅「柚你蝦我」，沙律有兩隻蝦，雪梨，蕃茄仔，一堆西柚同菜，當我以為係得呢啲伴菜嘅時候，一撈落去先知原來仲有中華沙律嘅海草。幾款唔同口感嘅食材撈埋再加上芝麻汁嘅襯托變得好多元化。有軟糯嘅牛油果再配上爽口嘅雪梨同海草，食落去好滿足。而西柚亦都唔會話好酸，搶走晒其他嘅味道。
等多一陣兩款壽司就出場啦，分別叫咗蜘蛛同埋彩虹卷。蜘蛛卷有軟殼蟹，蟹柳，牛油果。望落份量好少，但其實食落去都飽飽地，軟殼蟹亦都係新鮮炸而佢哋嘅炸皮亦都非常之薄，唔會食到成口粉，有牛油果，青瓜作配搭就會令到油膩感降低。配上佢特製嘅醬汁令到成個卷物變得更加惹味，醬汁嘅味道唔會話太濃而掩蓋軟殼蟹本身嘅味道，反而有相得益彰嘅感覺。最後彩虹卷有幾款刺身，包埋包括有吞拿魚，三文魚，牛油果同埋一款白身魚。而飯中間就有青瓜，蟹柳同黑芝麻。咬落去魚肉非常新鮮。而且可以一口就食晒三款食物嘅口感，有彈牙亦都有一種鮮味。而好巧妙地三種魚放埋一齊，又唔會話互相掠奪咗每一款魚生本身嘅味道。下次有機會就可以試吓佢嘅二人套餐！
张贴
