豊勝手丼 (已結業)

日本番黎之後一路都好掛住日本料理，同愛人去左豐勝手丼止住咳先，點知發現佢地既水準同日本都差無幾！我地叫左10件壽司，件件都好精美，壽司飯扼得唔錯，唔會太實，但係又無一夾就散，刺身好新鮮，刀功亦唔錯，乾淨俐落。估唔到佢呢度雖然主打食丼飯，但係壽司都處理得咁好，咁認真！因為食左壽司，想叫d魚生以外既丼飯，所以揀左佢地既限定主打—月見咖喱豚肉飯。聽落好似普普通通，但係食落就驚喜十足。咖哩香濃，豚肉肥瘦適中，加埋生雞蛋漿增加口感，令人回味無窮，如果可以再大碗d就好啦！整體黎講呢間餐廳係我日本番黎之後最滿意既！