影片
更多
2018-08-19
511 浏览
尋晚肥妹仔同同事去咗觀塘工廠大廈食一間日式 cafe 餐廳，入到去發現成間餐廳裝潢都好和風同少女風，食飯打卡一流 !!七味軟殼蟹 $82睇完餐牌之後肥妹仔同同事決定叫七味軟殼蟹，軟殼蟹炸到脆卜卜，但係一啲都唔油膩!因為用咗七味粉關係，所以食落去有少少微辣， 非常之香口 。汁燒牛脷串 $37汁燒牛舌 燒得非常好食!佢本身係有厚度嘅，而且牛味幾濃，食落去係有咬口嗰一種，肥妹仔好欣賞嗰種煙煙靭靭嘅口感。而且一啲都唔嚡，好食。雞軟骨串 $22雞軟骨串又係肥妹仔成日會叫嘅串燒之一，因為肥妹仔好鍾意食嗰種卜卜脆軟骨，雞軟骨本身冇咩味，但係因為上面酒咗少少鹽，令到個雞軟骨好惹味好脆口!神戶野菜牛肉鍋 $118肥妹仔仲嗌咗個神户野菜牛肉火鍋，個湯底係日式火鍋常見嘅甜豉油， 唔會好咸，有少少似壽喜燒湯底嘅味道。 火鍋入面嘅牛肉同蔬菜都給索曬個甜豉油嘅湯汁，所以每食一啖都非常濃味，一啲都唔單調，因為每一塊牛肉都吸收咗湯底嘅精華 。原條蒲燒鰻魚炒飯 $148無飯不歡嘅肥妹仔我當然會叫返個飯食啦!肥妹仔就叫咗一個鰻魚炒飯食，佢嘅鰻魚超級厚身，肉質好滑嫩，成條鰻魚都充滿鰻魚汁嘅味道 ，下面嘅炒飯炒得都幾濕潤，一
七味軟殼蟹 $82睇完餐牌之後肥妹仔同同事決定叫七味軟殼蟹，軟殼蟹炸到脆卜卜，但係一啲都唔油膩!因為用咗七味粉關係，所以食落去有少少微辣， 非常之香口 。
汁燒牛脷串 $37
汁燒牛舌 燒得非常好食!佢本身係有厚度嘅，而且牛味幾濃，食落去係有咬口嗰一種，肥妹仔好欣賞嗰種煙煙靭靭嘅口感。而且一啲都唔嚡，好食。
雞軟骨串 $22
雞軟骨串又係肥妹仔成日會叫嘅串燒之一，因為肥妹仔好鍾意食嗰種卜卜脆軟骨，雞軟骨本身冇咩味，但係因為上面酒咗少少鹽，令到個雞軟骨好惹味好脆口!
神戶野菜牛肉鍋 $118
肥妹仔仲嗌咗個神户野菜牛肉火鍋，個湯底係日式火鍋常見嘅甜豉油， 唔會好咸，有少少似壽喜燒湯底嘅味道。 火鍋入面嘅牛肉同蔬菜都給索曬個甜豉油嘅湯汁，所以每食一啖都非常濃味，一啲都唔單調，因為每一塊牛肉都吸收咗湯底嘅精華 。
原條蒲燒鰻魚炒飯 $148
無飯不歡嘅肥妹仔我當然會叫返個飯食啦!肥妹仔就叫咗一個鰻魚炒飯食，佢嘅鰻魚超級厚身，肉質好滑嫩，成條鰻魚都充滿鰻魚汁嘅味道 ，下面嘅炒飯炒得都幾濕潤，一啲都唔乾，撈埋鰻魚一齊食簡直就係一流！
白桃烏龍茶36
张贴
