COBALT

营业中

休息中

蘭王蛋韃靼牛肉 $ 168 蘭王蛋嘅蛋香濃郁，同新鮮、低脂肪、柔嫩嘅牛肉一齊食好creamy又滑嫩。拌上碎酸黃瓜同碎洋蔥食落去有各自唔同嘅口感。如果加埋芥末一齊食又會有更豐富嘅風味。烤法式羊架配薯菜$268叫左6成熟嘅羊架。羊嘅脂肪比例均勻，所以食起上黎唔會太騷同膩滯。外皮煎得好靚，最外層嘅肉控制到啱啱好熟，而內層嘅肉粉嫩juicy。餐廳推薦紅酒燒汁同埋蘋果jam。紅酒汁有肉汁嘅鮮味，同粉嫩嘅羊架好夾。蘋果醬加左一層甜味比羊架，食落去味道層次又豐富左。特濃比利時朱古力心太軟$88心太軟火候控制得好好，一切落去入面嘅朱古力即刻湧出來。仲有微微嘅煙，但係加埋雲呢拿雪糕一齊食入口溫度就啱啱好啦。食落去軟綿綿，而表面微脆。比利時朱古力嘅朱古力香氣濃郁，而又唔會太甜。