廣麪子

营业中

休息中

有時真係想食返啲地道嘢，男朋友都係佢哋嘅常客，仲話佢個多士好好食，同埋佢哋啲魚片魚皮都係每日新鮮炸。鮮油奶多士 $16雖然好邪惡，但真係好好食，有時放縱吓自己都幾好。個多士有煉奶同埋牛油，食落香脆但又唔會覺得油膩。切腩四寶撈麵 $76（魚蛋魚片 雲吞 墨魚丸 ）粗麵聽講佢哋嘅切覽都係熱門招牌菜，食落唔錯，軟腍帶濃厚牛肉味。以呢個價錢食到四寶，都真係算均真。酥炸魚皮 $26見到呢個都係推介菜式，嗌埋試一試。佢個魚皮除咗做得好脆口之外，佢每塊魚皮都有一定厚度，食落去比較有質感。.整體我覺得呢間水準質素唔錯，如果係想食返啲比較地道同埋港式餐，好推介去試吓佢哋嘅麵同埋多士。喺灣仔嚟講，呢個價錢都算均真，同埋每一份都足料。