影片
更多
2021-12-14
106 浏览
嚟到尖沙咀想搵啲抵食又有特色既午餐 近排食得太多cafe 想食下其他 經過間水門雞飯幾出名 又係黃店 於是入嚟試下🐣🤤水門雞飯姐係泰式海南雞飯 個名嚟自泰國出名既購物同埋掃街熱點水門市場 泰式海南雞飯同埋新加坡出產既最唔同既地方在於 泰式會將切雞去皮去骨 並且會將雞肉放係油飯上面 食法較簡單不講究🐷水門雞飯$62雞肉鮮嫩有雞味 有咬口之餘又唔韌 油飯唔會過油 配埋辣汁真係無得頂 好完美既一碟飯☺️豬肉丸肉碎札肉金邊粉$56豬肉丸彈牙有豬肉鮮味 肉碎肥瘦適中令到湯底更香 金邊粉有口感 份量唔少足夠飽肚❤️泰式鴛鴦(跟套餐)泰奶飲得多 試下加埋咖啡係咩味先 因為走左冰 飲品較甜 可以走少少甜更好 奶茶同咖啡配合得天衣無縫 入口香濃 奶茶味更重 好飲!菠蘿冰(跟套餐)剛入秋仲係咁熱 飲杯菠蘿冰消暑就最好🍍入口涼浸浸 酸甜醒胃 正!班蘭大菜糕 $32食完正餐梗係要食甜品💚班蘭甜品例如班蘭蛋糕一向係我至愛 今次配合椰汁同埋爽口大菜糕 真係人生一大享受😇不得不提 侍應服務態度不錯 還貼心比張櫈我擺袋 加分加分!!!💯
水門雞飯$62
雞肉鮮嫩有雞味 有咬口之餘又唔韌 油飯唔會過油 配埋辣汁真係無得頂 好完美既一碟飯☺️
豬肉丸肉碎札肉金邊粉$56
豬肉丸彈牙有豬肉鮮味 肉碎肥瘦適中令到湯底更香 金邊粉有口感 份量唔少足夠飽肚❤️
泰式鴛鴦(跟套餐)
泰奶飲得多 試下加埋咖啡係咩味先 因為走左冰 飲品較甜 可以走少少甜更好 奶茶同咖啡配合得天衣無縫 入口香濃 奶茶味更重 好飲!
菠蘿冰(跟套餐)
剛入秋仲係咁熱 飲杯菠蘿冰消暑就最好🍍入口涼浸浸 酸甜醒胃 正!
班蘭大菜糕 $32
食完正餐梗係要食甜品💚班蘭甜品例如班蘭蛋糕一向係我至愛 今次配合椰汁同埋爽口大菜糕 真係人生一大享受😇
不得不提 侍應服務態度不錯 還貼心比張櫈我擺袋 加分加分!!!💯
张贴
