豊勝手丼 (已結業)

今晚放工去銅鑼灣行街睇衫食飯，調整吓心情。燈籠街一向都係美食匯聚嘅地方，今晚就試吓呢間豊勝手丼。我哋一人叫咗一個晚餐，廚師精選壽司定食配腐皮烏冬，八件壽司有油甘魚，三文魚，真鯛，赤蝦，帆立貝，馬刀貝，比目魚，日本海膽同埋玉子。烏冬份量唔太多，啱啱好。我哋又試咗慢煮安格斯牛小排丼。安格斯牛片厚薄適中，唔會因為比較生而食唔到。我特別鍾意佢嘅醬油，加埋珍珠米，好好味。當然仲有我最鍾意嘅溏心蛋，味道豐富！我哋再追加三文魚刺身，食日本嘢點可以無咗佢。