每一次呢個定食真係必叫，牛舌厚切得嚟唔會鞋口，油脂分佈勻稱，食落超香牛味，咬落去又嫩又有彈性。配埋味噌湯、沙律、同茶碗，成個set好豐富，食完超滿足。
🐷滑蛋牛舌丼
滑蛋同牛舌係絕配，蛋汁好滑溜，包住啲牛舌，啖啖都好香口。牛舌切得啱啱好，唔會太薄，保持到牛味同口感，飯底吸晒蛋汁同醬汁，輕鬆食晒成碗飯。
🐷雞肉棒軟骨串配日本生雞蛋
雞肉棒外面焦香，咬落去仲有啲軟骨脆卜卜，口感豐富。點埋日本生雞蛋同醬油一齊食，更加滑溜香口。
🐷唐揚炸雞
炸雞外皮香脆，內裡肉汁多，配啤酒一流，20幾蚊有三舊，抵食得來攞嚟做小食啱啱好。
Gyutan Toku牛舌專門店
📍土瓜灣天光道44號天光大樓地舖
