回憶客棧 (富臨門大廈)

营业中

休息中

去開深水埗做野，收工順路揾下野食。又唔係太餓，濛濛細雨下遇到呢間回憶客棧，啱晒feel ,就入去坐低飲下嘢，食下小食。係緣份呀～😂(暴露年齡系列)舖頭唔係好大，店內掛滿香港舊街道GE相，仲播住千禧年代流行嘅香港流行曲，真係充滿回憶，令人好似又返番果個年代。話就話唔係好餓，但都叫左呢度好出名GE花甲粉同幾串串燒。蝦同花甲都好甜，最重要無沙!唔使擔心食到成口沙!份量都多，兩個人食都夠食。羊架同羊肉一啲都唔騷，肉嫩多汁安格斯牛肉粒同肥牛金菇卷都好香口，忍唔住一啖接一啖脆肉瓜同娃娃菜都燒得啱啱好，最驚菜燒到乾爭爭，呢兩樣都燒得好好，仲保留左好多水份，但又唔會有「青草」味。整體好唔錯，啱晒同朋友吹水。