回憶客棧 (富臨門大廈)

营业中

休息中

啱啱個星期日5月4號，睇到佢哋facebook，覺得幾吸引，想同媽媽去試吓。我4:45打俾佢地話我on my way去緊，問四個人5:15到駛唔駛訂枱，佢話唔駛，我哋5:20到達，入到去燈都未開，佢叫我地6點後先再返去。我話有冇搞錯呀，你門口，openrice都寫5點開，我打嚟嗰陣你又唔叫我地遲d先好嚟，等我地白行一趟。唔通叫兩個老人家響條街度等你開門？佢哋答，都話6點後先嚟咯！真係好嬲咯👿👿👿

真心推薦呢間串燒鋪「回憶客棧」！呢度嘅食物好食到你會想一試再試，仲要性價比極高，openrice 仲有9折（悄悄話老闆仲要幾靚仔同好好人😳🤭），坐得又舒服！No.1 🍜 花甲粉佢哋嘅花甲粉真係必食！原來唔止有花甲，仲有好多海鮮，都係58$only食完暖笠笠！💖No.2 🐚 阿麻煮花螺每一口都係滿滿海鮮味，搭配佢哋特製嘅醬汁，簡直係絕配！食完真係回味無窮！😋 （不過係真係有啲沙嘅，但個醬補足到！）其他食物都好唔錯，氛圍都好好，絕對值得黎同朋友試下！👍🏻👍🏻👍🏻

收工呢度就諗住去放鬆吓食個宵夜 環境都幾舒服嗌咗個麻辣小龍蝦 🦞夠晒入味又新鮮 份量都好足 另外嗌咗個翠玉瓜 鮮甜又多汁🍢👍🏻雞軟骨都唔錯 仲有燒腸仔正正常常 牛舌好淋！好味！

食物質素一流，每一樣食物都精心烹調。我哋order燒生蠔，highly recommended 。食材新鮮，辣亦可選擇。配合啤酒一流。樽裝生啤都有。環境尚算OK 。誠意推介！調味適中唔太鹹，送啤酒一流環境寬敞，坐得舒服適合朋友聚會服務好好，廚師煮得有心機食物份量亦足夠 食得夠飽深水埗區嚟講好高質我哋天氣好凍去食 入面都坐得好溫暖食物選擇唔算多 但勝在好味適合一大班人聚會 或者拍拖食都得唔會話好似旺區食得好趕 可以慢慢食。

『深水埗-回憶客棧』 回憶，總是美好的，所以要與最愛的人一起創造。.『回憶客棧』一入到門口已經有一陣懷舊嘅味道，昏黃嘅燈光，加上懷舊嘅音樂同埋裝飾，令人一秒回到過去💫開心飯局，約埋一班知朋好友，一齊食串燒飲下啤酒，真係相當之Chill呀🍻.值得介紹嘅係呢一到嘅招牌花甲粉🌟花甲嘅份量都唔少，而且都幾大隻，食落口冇沙，仲有少少海水味😋而粉就煮得岩岩好，重點係吸晒啲湯汁！好入味！呢度仲有香港比較少見嘅小龍蝦！隻隻蝦都係好新鮮，又係吸滿哂香香辣辣既汁，每一隻都好惹味😋燒生蠔都幾大隻，燒完冇縮水，配上蒜蓉食，是我的最愛💕而其他串燒都係新鮮滾熱辣咁樣燒出黎！燒得好好食！地點喺深水埗地鐵站附近，搵到嘉頓就係嘉頓斜對面，好方便大家約埋三五知己一齊嚟食！.回憶客棧 (富臨門大廈) (深水埗)📍深水埗青山道9-15號富臨門大廈地舖

係深水埗行街見到呢間食花甲粉同串燒好似幾正就入咗去試吓，必叫招牌花甲粉，廚師用個煲再用錫紙包住好似一座山咁上菜，一打開錫紙，就聞到熱辣辣嘅花甲粉勁香仲滾下滾下咁，好有驚喜令人有哇一聲嘅感覺～花甲份量多，而且新鮮又夠大隻，食落好鮮甜，配埋有好多蔥同芫荽嘅湯，再加埋吸味嘅粉絲同辣椒食落好惹味～呢度嘅串燒都好好食，全部都燒到啱啱好唔會太燶同埋唔夠火候，而且可以自己選擇辣度，揀番啱自己嘅口味~- 安格斯牛肉粒：咬落彈牙，而且勁juicy，牛味重，咬落滿口油脂嘅感覺，好邪惡，但我喜歡🐂- 羊架：肉質嫩口，唔會燒到老晒，調味落咗孜然粉，咬落有好重嘅羊肉汁🥰- 秋刀魚：外皮燒至香脆，魚肉嫩滑，師傅細心地抽起左個魚肚，食落唔會苦同多骨🐟呢度成個環境都好舒服，食住串燒配埋啤酒同朋友吹吓水，真係好Chill～回憶客棧 (富臨門大廈) (深水埗)深水埗青山道9-15號富臨門大廈地舖#天天foodies#天天飲食_深水埗評分：7.5/10 #回憶客棧 #深水埗美食 #花甲粉 #串燒 #hkig #foodphotography #foodphoto #hkfoodblogger #偽食評家 #食評 #食好西

📍#回憶客棧 (富臨門大廈) (深水埗)深水埗青山道9-15號富臨門大廈地舖♡人均消費: $193▪️▪️▪️▪️▪️▪️▪️▪️▪️▪️▪️▪️▪️▪️之前有食過佢哋喺長沙灣嘅回憶客棧～ 估唔到深水埗都有一間，地點更加方便～ 招牌菜就係花甲粉，另外亦有唔同種類嘅串燒可以選擇，即嗌即燒👍🏻。✨#招牌花甲粉可以自行選擇芫荽份量、蔥份量同埋辣度～ 今次我哋order咗唔辣，清湯更顯花甲嘅鮮甜，花甲新鮮無沙，另外亦加咗$8加娃娃菜，同花甲湯底好襯～😋✨#燒茄子食串燒必定要order，茄子上好多蒜蓉😝 都係重口味之選。✨#金菇肥牛一串有三嚿金茹肥牛，食落唔會太乾，燒到啱啱好，辣度適中，啱哂唔食得辣嘅我😆✨#安格斯牛肉粒最鍾意食安格斯牛肉粒😆牛肉好新鮮，都好野味，食落好香口，咬落肉中間會有啲汁😋✨#虎皮尖椒一份有三條尖椒，外皮燒得好香，味道幾辣，啱哂食得辣嘅朋友仔👭✨#薯小紫一串有5粒，甜度啱啱好，又甜又細膩，一口一個，根本不想停下來！🤩超鍾意▪️▪️▪️▪️▪️▪️▪️▪️▪️▪️▪️▪️▪️▪️

呢間原來開左2年，但地點問題只能做街坊生意，大家有興趣嘅真係要多多支持下佢地😂😂店鋪細細，但都幾多款式選擇，亦見到有d好新奇嘅款式我地都勁中意呢款 🐟葉主皮🐟係魚皮切絲再用泡椒煮過，魚皮爽滑，椒汁唔會辣到無晒味覺，但夠刺激，亦保留到魚皮甜味👍韮菜雖然唔係咩特別野，但我就係中意佢一盤咁上，咁先食得夠豪氣，平時一串串咁，明明條韮菜咁幼，串咩鬼呢😅😅😅燒蠔都係必食，$90有半打呀😱😱大大隻架，見到係漲卜卜架，蒜蓉同辣椒都是滿滿的👍👍鮮甜鮮甜🦐都唔貴，都算大隻長身，唔痴殼，肉身夠爽甜👍雞皮都好絕頂呀，脆架脆架🈵🈵🈵👍👍

夜媽媽想食宵夜又想飲兩杯點算好搵間客棧坐低食野飲番杯啦呢度除左有普通嘅佐酒小食仲有串燒可以填肚仔由於第二朝要番工就唔飲酒啦叫左十多款串燒同招牌花甲粉花甲隻隻都飽滿鮮甜果然係招牌串燒整體都燒得好靚而且味道剛剛好唔會話好咸好濃味尤其肉類串燒牛粒同牛舌都仲好有肉汁大大塊嘅雞扒呢度都有得食仲細心幫你cut開方便食豬頸肉Juicy蔬菜類仍然保留獨有嘅甜味同水份推薦大家嚟試下😋———————————————————◂ 招牌花甲粉 $56◂ 大大塊雞扒 $32◂ 豬頸肉 $16◂ 芝心丸 $18◂ 雞全翼 $24◂ 安格斯牛柳粒 $32◂ 金菇肥牛 $28◂ 韭菜 $13◂ 錫紙娃娃菜 $18◂ 牛油粟米 $18◂ 牛舌 $30◂ 墨魚丸 $18◂ 牛丸 $18

又黎到回憶客棧同朋友beer beer佢+食串燒😝😝介有個招牌菜出名就係招牌花甲粉唔驚你餓著個肚飲啤酒啦~講下呢個招牌花甲粉先~🥰真係超好食呀~粉絲本身很彈牙 份量又夠多...花甲的鮮甜味道非常突出，配上微辣的湯汁，讓整道菜的口感更加豐富😙😙唔夠食仲可以加double 花甲/ 粉絲好抵食架🤣仲叫左個大大塊雞扒做小食~雞肉很嫩，烤的恰到好處😌外皮香脆內裡多汁。配上少少既蜜糖sauce甜甜地好惹味😚飲飲下啤酒又覺得口痕 哈~ 叫埋個雞軟骨做snack...雞軟骨的味道很香😝又香又脆, 仲係熱啦啦既 好正架非常適合當下酒菜😍不過係油左少少 可以搵D吸油紙吸一吸就最好啦~☺️

呢間回憶客棧個名好特別，位於深水埗，入面有好多靚酒佈置，一入門口已經覺得好搶眼，嗰個位啱晒打卡好靚，好有氣氛添。 我地叫左羊架唔會好酥，有好香嘅羊味同埋都幾香口，仲有上網睇主打嘅推介係：花甲粉，果然冇介紹錯啊，熱辣辣，而且份量好多，另外我哋仲叫咗牛丸串，一共有4粒，呢個覺得好抵食抵食，同埋豬頸肉，豬頸肉都燒到好香，好好味。總體來講呢間串燒店好味呀，啲嘢好新鮮份是又足夠，性價比好高。 同埋個環境都好好，播住音樂好有氣氛。 已經book mark左下次再嚟🤣🤣🤣

原來深水埗嘉頓山附近有間串燒店，鋪位細細但夜晚都幾旺場招牌蝦花甲粉，每兜有8隻花甲，粒粒都幾大隻仲要冇沙因為叫左走辣，湯頭飲起黎都特別鮮甜粉絲份量亦都好多，基本上一份一個人已經夠飽另外仲可以要求走芫茜蔥/ 大量芫茜蔥都得呢一個本身我朋友佢食嘢好挑剔㗎，但係佢都話呢一個湯好鮮甜好好味，佢都推介呢個。如果2個人share食再叫啲小食，就可以試多幾款所以串燒小食叫左鰻魚+羊架+牛舌 鰻魚魚油香唔算超越重，不過醬汁幾多，食落夠香羊架肉質比較軟淋，好易咬開牛舌就燒得微焦，帶啲爽口

餐廳走懷舊風，播放90-00年代廣東歌，裝修以全木板拼砌，有少少似居酒屋，主打花甲粉同串燒，有啤酒🍻飲，不過筆者冇叫。·錫紙山花甲粉$56用錫紙包住上碟，打開後熱辣辣，白煙一擁而上，揀左唔辣，花甲好多，冇沙又大隻，有鮮味；入面有芫茜同c u tmr😂(即是金菇)，食粉絲索曬湯汁。·雞軟骨$15不要辣，簡單用孜然粉同鹽調味，香脆可口，送酒一流！·雞泡魚乾$42必叫！雞泡魚乾燒熱之後好香，沾上蛋黃沙律醬仲正！·安格斯牛肉粒$32不要辣，同樣灑滿的孜然粉，牛肉肉質軟淋有肉味。·錫紙蒜蓉娃娃菜$18食下菜balance返，蒜蓉味唔會太over蓋過d菜，調味得剛剛好，娃娃菜鮮甜。在場見到有小朋友開生日party🎉🎉🎉，餐廳都好歡迎訂座搞生日！

最近在深水埗發現一家好有feel嘅燒烤店，就同朋友一起入去食下晚餐～✨招牌花甲粉 $56花甲粉裡面有金針菇，粉絲和花甲，加上香辣的蒜粒和蔥花，非常入味和鮮美，頗有清甜的味道✨雞中翼3隻 $26三隻雞中翼加入了五香粉和燒烤粉，表皮被烤的焦焦脆脆，裡面還包含汁水✨司華力腸 $22很喜歡司華力腸本身的口感和味道，表層是爽脆可口，可以又帶有煙燻味～✨牛舌 $30牛舌被烤得很香，水份幾乎被烤得很乾✨大大塊雞扒 $32這個雞扒真的很好吃😋，外表塗抹上甜甜的蜜糖超級美味，雞扒裡面的油脂感沒有太重但是口感很豐富🫶

📍 回憶客棧 (富臨門大廈) (深水埗)深水埗青山道9-15號富臨門大廈地舖裝修懷舊的串燒店，播放著好多懷舊廣東金曲。餐廳提供多款肉類串燒。肉類串燒可以選擇辣度，十分適合食辣的朋友。點了招牌花甲粉$56，可以選擇辣度，一來到的時候是用錫紙包住，打開之後熱辣辣香氣撲鼻而來。有八隻左右碩大的花甲，好有肉地，完全無沙，好有鮮味，喝了數口湯好鮮甜。粉絲份量好多，夾極還有，花甲粉內有少少蔥花，還有蒜，更添滋味。串燒選擇多，點了金菇牛肉，燒得香口，表層放了些許七味粉。餐廳還提供啤酒，汽水等等，可以暢飲。