豊勝手丼 (已結業)

好耐之前plan左今年六月去日本旅行，由一月肺炎疫情開始，原本以為三個月都會完，可以去，點知，依家睇嚟下年六月都唔知去唔去到😭好掛住日本嘅美食。趁今次約咗姊妹飯聚，一於叫佢陪我食我最想食嘅海鮮丼，佢又一口答應喎，真係對我好 🤗既然要食嘅話梗係要食好啲啦。我做咗好多research同比較，決定試吓呢間豊手勝丼。我早收工，六點都未到就到餐廳喇，餐廳嘅裝修好日本風，亦都好整潔，亦都有隔板隔住枱與枱之間，防疫嗰關 pass.要食就食好 d, 問左侍應，佢推薦「海@幸丼」，因為樣樣精選剌身都齊晒，一次滿足多個願望。刺身包括赤蝦、日本海膽、三文魚籽、吞拿魚腩、油甘魚、比目魚邊、松葉蟹鉗。好豐富～海膽非常鮮甜，一d 都唔腥或有怪味。赤蝦肉質彈牙，味道鮮甜。松業蟹鉗的肉質結實，充滿蟹的鮮味。吞拿魚腩都肥美，質素不錯。而比目魚邊就第一次食，都OK。壽司醋嘅份量落得適合，有微微醋味但又唔會 over 左。我朋友又比左三文魚同帆立貝比我，都好鮮味呀，大滿足！雖然仲未有得去日本，食左餐好味嘅丼飯可以頂住當先啦 🤗