喜記避風塘炒辣蟹 (肇明大廈)

营业中

休息中

阿爸生日，一家人話想食啲特別啲嘅嘢，所以直接帶佢地去橋底辣蟹。因為上次同朋友食過真係念念不忘佢哋嘅避風塘炒蟹。招牌避風塘炒辣蟹，今次依然係香辣惹味，阿爸食到連殼都吮埋，大家都讚好好食。楊州炒飯就正常水準，夠鑊氣，同埋幾大碟。豉油皇中蝦都好惹味，食得出海鮮好新鮮，因為只要配搭適量調味已經好好食。美味雞煲又係香辣惹味嘢，同埋啲雞件好嫩滑，送飯一流。上湯水浸蜆啲蜆好乾淨冇沙，個湯好鮮甜，配上吸晒上湯精華嘅粉絲，Yummy Yummy！今次生日飯阿爸好滿意，話下次細佬生日都要再嚟。