影片
更多
2019-03-26
124 浏览
有人生日, 本身話食buffet既,但可惜我太遲訂位,攪到full左book唔到, 所以把心一橫試六公館!!!一黎到未食野都知唔會後悔, 因為見到個境,個人都舒暢晒!! 唔係吹水, 仲可以叫佢幫你影相, 因為夜境既關係, 佢會用個手提燈幫你打燈,靚到不得了!咁岩仲有遊輪經過!!好舒服,好寬敞!第一道菜就係上太爺雞, 打開個蓋就聞到薰味! 香噴噴!雞嫩滑, 好味到不能形容!再黎呢個叫避風塘茄子,初時打算叫芥蘭,但無晒,改叫左呢個, 真係反而更驚艷! 好特別,內仲好好水份,外面香脆,而佢係茄子!!牛面頰, 只有4塊, 食落更覺珍貴,好嫩,好重牛味!難以形容!鴛鴦蝦球,無汁既係鹹蛋黃,有汁既係wasabi, 食完真係見暈,好味到暈!最後,黎個海膽炒飯 。簡直係完美既句號,那一pat海膽新鮮到不得了,成個飯都好香農, 唔係咸,係香農!!太可惜太飽,想食個流心包!!決定留待下次! 真係好彩自助餐無位!!埋呀又真係唔平既$17xx, 兩個人, 但又唔係成日食,又有境又有質素!! 我地仲係慶祝, 比錢都比得好開心!
一黎到未食野都知唔會後悔, 因為見到個境,個人都舒暢晒!!
唔係吹水, 仲可以叫佢幫你影相, 因為夜境既關係, 佢會用個手提燈幫你打燈,靚到不得了!
咁岩仲有遊輪經過!!
好舒服,好寬敞!
第一道菜就係上太爺雞, 打開個蓋就聞到薰味! 香噴噴!雞嫩滑, 好味到不能形容!
再黎呢個叫避風塘茄子,初時打算叫芥蘭,但無晒,改叫左呢個, 真係反而更驚艷! 好特別,內仲好好水份,外面香脆,而佢係茄子!!
牛面頰, 只有4塊, 食落更覺珍貴,好嫩,好重牛味!難以形容!
鴛鴦蝦球,無汁既係鹹蛋黃,有汁既係wasabi, 食完真係見暈,好味到暈!
最後,黎個海膽炒飯 。簡直係完美既句號,那一pat海膽新鮮到不得了,成個飯都好香農, 唔係咸,係香農!!
太可惜太飽,想食個流心包!!決定留待下次! 真係好彩自助餐無位!!
埋呀又真係唔平既$17xx, 兩個人, 但又唔係成日食,又有境又有質素!! 我地仲係慶祝, 比錢都比得好開心!
张贴
