八方棧

营业中

休息中

同朋友去咗科學園嘅八方棧試新派點心，環境好舒服，有戶外同室內位置，戶外位置更可以望住吐露港海景。因為太肚餓嘅關係，忍唔住叫咗好多款點心，樣樣都好驚喜同好精緻😍😍以下介紹幾款比較特別嘅😆➖📌妃子笑鹹水角仿荔枝外形嘅鹹水角，外型精緻可愛，打卡必點💗味道其實就係一般嘅鹹水角😆👍🏻➖📌蟹籽蝦多士蝦多士炸得好鬆脆，蝦膠同多士嘅比例剛剛好，油而不膩✨➖📌牛油果鰻魚春卷日式鰻魚配合中式炸春卷，融合配搭創新而不帶違和感👍🏻➖📌蔬汁金柚雪山包包裏面係滿滿嘅柚子蜜，包皮亦很鬆軟🤤➖📌白桃烏龍茶📌鳳梨烏龍茶兩款茶都好清香甜和，分別帶有白桃乾果味同鳳梨乾果味，食完中式菜後飲用，有助解膩😍個人私心推介鳳梨烏龍茶🌟