八方棧

差！差！差！提早预定了父亲节一家人的聚会12位。提早一天也有确认。到了后很多人聚在门口等待安排座位。而且没有说什么时候能安排到座位。很多人都在发脾气。跟争论了一会后家人觉得这样在这里吃也没意思了，就改到附近的餐厅吃了。这样的安排也难怪香港的餐饮业输给深圳。可悲呀！相信我们以后也不会再来这里了…查看更多

今日同家人帶住小狗去午餐，明明預早訂好戶外座位，點知遇着落雨，我哋禮貌詢問門口帶位員可否加把遮或者調去有遮蓋嘅座位。當時明明見到有大量空位同閒置嘅遮，但個帶位員態度極其惡劣，擺出一副不耐煩嘅表情，冷冷咁話：「冇辦法架啦！」語氣囂張，毫無同理心，完全唔肯協助解決問題。 食物方面亦令人失望，叫咗個六人點心套餐，份量少得離譜，價錢偏貴，味道亦普通，性價比極低。但最令人憤怒嘅，始終係門口帶位員嗰種惡劣態度！ 以後絕對唔會再去，亦會提醒朋友小心呢間酒樓，尤其係嗰個帶位員，簡直係趕客代言人！…查看更多

位置安排： 一早已在電話訂了枱，去到餐廳無人幫手帶位，在門口了約5分鐘才有位類似知客的職員出現。通知她訂枱資料，她按了一張號碼飛給我，說都是一樣。若果有訂枱和walk in 都是要拿號碼飛，那為何有訂枱的安排？訂位時講清楚是7位，號碼飛也寫清楚是7位，但那位知客給了我們一張五人枱，然後叫我們自行加位。第一印象已非常差，安排混亂，職員完全不知道自己在做甚麼。環境： 環境尚算可以，在戶外海徬飲茶，天氣涼爽，感覺挺舒服。但有職員直接把食客的茶水倒在戶外客人旁邊的去水渠，感覺非常不衛生和不專業。收集污糟碟的車就在我們旁邊，不衛生，碗碟的碰撞聲音也很吵耳。 食物： 食物質素okay，某些菜式有驚喜，例如柚子包和咸水角。…查看更多

雪山柚子包。順德順峰的看家名菜。復刻形似，柚子料處理過於簡單，與韓國柚子醬神似。徒有其表。銀芽肉絲炒麵。麵餅油溫得當，勾芡嫌厚。菜牌應提示為“煎麵”。牛展基本好評。後味有陳皮香。京味水餃好評。保持質素。蔬菜、叉燒、鳳爪不過不失。帶位安排欠妥，溝通較生硬。餐廳覆蓋科學園公司以及白石角住戶。週末節假日屬街坊酒樓。甫開業時，質素高、量足，是不少園區公司聚餐宴請、居家聚餐的top之選。希望可以保持質素，提昇服務。…查看更多

叫左個古法拉花馬拉糕，圖片顯示係長方形一層層個種，點知黎到係一底黃色個種另個叫左個紅米海鮮腸粉，黎到竟然係白色既腸粉。同埋叫左個芝麻卷，催左3次都冇黎到，到埋單既時候同店員講話冇黎到要取消，店員竟然話廚房仲有，依家拎俾你啊。催3次都冇黎，到埋單先話有，離晒譜架⋯⋯…查看更多

同屋企人一行四人嚟食冬至飯，叫咗一個砂鍋雲吞雞、原條烤魚、紅燒乳鴿、瑤柱蛋白炒飯 。其實木茶餐廳都唔係非常之忙，但係坐低之後，想搵個人落單都難。最後落完單，等咗半個鐘先上咗碟乳鴿，之後再等多幾個字真係好唔耐煩，一問之下，就話個砂鍋雲吞雞係要好耐時間，然後條魚又落漏單……不過都體諒過時過節忙啲，而且餐廳而家通常都係過節嘅時候搵啲part time 人返工，落單唔熟，都冇辦法。講返食物，乳鴿比較瘦，但係燒得唔錯，皮脆，亦都唔會過鹹。砂鍋雲吞雞個湯都好濃，雲吞大大粒足料，有半隻雞，食落都算滑。原條烤魚雖然遲咗好耐先上，但係都好有看頭，有一個大盤咁樣出，辣🔥得過癮。炒飯，炒得好好，粒粒分明有鑊氣。環境唔錯，間餐廳有戶外座位，天氣冇咁凍嘅時候可以考慮再嚟過坐室外。最後，就係泊車有free三個鐘頭，真係唔錯！…查看更多

看到網上介紹望住吐露港飲茶，就帶住一家大小黎到白石角試一試。依家天氣夠清涼，非常適合坐戶外，遙望大埔觀音像及吐露港景色，像郊游般舒適，令人心曠神怡。🍠午市自選孖寶 $66- 響鈴海鮮腸粉- 鮮竹牛肉球🍠籠仔蒸龍躉頭腩飯 $98🍠水晶鮮蝦餃 $58🍠韭黃鮮蝦腐皮卷 $58🍠川式口水雲吞 $48🍠自選4位優惠午市 $498可自選4款點心、一款燒味和兩款小菜。- 羊肚菌燒賣皇- 欖角蒸排骨- 沙嗲金錢肚- 潮州粉果- 風味黑毛豬叉燒- 一口醋香骨- 涼瓜斑腩煲點心質素尚算OK，比較出色的是煎炸的點心，特別是腐皮卷，皮薄乾脆。而響鈴海鮮腸粉也不錯，配上三醬很惹味。長輩們覺得小菜跟籠仔飯上菜時都不夠熱，菜式加上在室外更加容易變涼，味道OK。叉燒算是出夠菜色，味道入味，但略嫌過份厚切。💰6大1小人均消費 $150-200📍八方棧沙田白石角香港科學園科技大道東16號…查看更多

睇到有網友介紹，點心精緻又可座露天位，周末又無乜嘢做，出發試吓呢間睇就幾好，食就唔知好唔好嘅～八方棧。見到人哋啲相幾正，二口子『出盡力』叫咗六個點心，最後試埋個炒飯。蔬汁金柚雪山包 二人蘿蔔絲酥餅二人前蟹籽蝦多士百醬蒸虎皮鳳爪娘惹海皇春卷(3件)沙爹鬼馬牛肉腸 瑤柱蛋白炒飯蔬汁金柚雪山包～面頭好鬆脆，包軟熟，包入面小小嘅醬加埋柚肉，口感同味道不錯。蘿蔔絲酥餅/蟹籽蝦多士蘿蔔絲酥餅咬落去鬆脆，滿滿嘅蘿蔔絲蓉，都唔錯收貨。蟹籽蝦多士～第一件真係食晒成塊，此終係炸物加面包，面頭真係成層蝦膠，多士食到成口油真係無可厚非，所以我食第二塊時淨係食塊蝦膠算百醬蒸虎皮鳳爪～鳳爪可以話係我哋飲茶必點，一來真係鍾意食，二嚟喺測試間嘢得唔得，呢度得，咬落去隻嘢脹卜卜口感滿滿，最重要不過咸。娘惹海皇春卷～春卷係第二樣必叫嘅，咬落去鬆脆，蝦肉都滿滿，但有一隻味怪怪哋但又唔係唔好食～感覺係小小咖哩味，都ok收貨，因為叫咗太多炸嘢，呢個食咗半條算。沙爹鬼馬牛肉腸～原來個名有沙爹，咁我又食唔出，牛肉加油炸鬼，口感都夾，不過今日真係太多炸野，頂唔順，但個腸粉皮ok, 薄同軟～不錯。既然一場嚟到，試多一樣～瑤柱蛋白炒飯。我呢啲check 精，正常唔會叫呢個，因為性價比太低，料又唔多，但「值錢」，碟飯一放低都嗅到香味，瑤柱大家都睇到，得面頭幾粒，成碟白雪雪，但食落又幾好味，所以呢碟係食「功夫」，我都食咗一碗仔，食淨同其他一齊打包，放心唔會浪費嘢。整體水準唔錯，同埋依家天氣不熱不冷，座出面真係好舒服，只係我哋真掛住想打咭，不知不覺間揀咗幾樣炸嘢，真係『吃不消』，所以大家選擇時都要小心。回頭度：8/10…查看更多

嚟呢區散吓步同埋探朋友，散完步之後大家一齊飲茶，朋友話呢間餐廳好高質抵食，四個人食咗$500左右叫咗好多款點心，食到好飽，所有嘢大大碟大大份好抵食！！特別推介我最鍾意嘅紅燒乳鴿，肉質細嫩無比，外皮炸至酥脆，內裏肉質鮮嫩多汁，呈現出紅亮誘人的色澤。每一口都融合了香、酥、嫩的多重口感，令人回味無窮，好味推介，下次嚟我一定會再叫呢個乳鴿！！另外有幾款賣相好精緻，一定要影相，相機食先嘅點心：蟹籽蝦多士，創意與傳統結合的美食，以新鮮蝦肉搭配鮮豔的蟹籽，鋪在烤得香脆的吐司之上。蝦肉的鮮甜與蟹籽的彈牙相互輝映，而多士的酥脆則提供了獨特的口感層次。蘿蔔絲酥餅，又係另外一款我覺得好好味，必叫嘅點心，外皮酥脆，內餡香醇。白蘿蔔切成細絲，包裹在薄如蟬翼的餅皮中，經過油炸至金黃。外皮酥而不膩，口感香口，令人愛不釋口。 刹椒鮮蝦菜苗餃，融合了鮮蝦的鮮美與菜苗的清脆，包裹在手工擀制的餃皮之中。鮮蝦的彈性與菜苗的清甜相得益彰，是味覺上的一次驚喜之旅。 冰涼西瓜糕，夏日裏的一抹清涼，以新鮮西瓜為原料，凝固成晶瑩剔透的糕點。它不僅保留了西瓜的天然香甜，更增添了冰涼的舒適感，每一口都是對味蕾的清爽撫慰，小朋友好鍾意。黑豆腐花，第一次食唔係周圍有，質地柔滑的甜品，選用黑豆製成的豆漿，經過細膩的加工，凝結成宛如絨布般柔軟的豆花。搭配適量的糖水，每一勺入口即化，帶來了綿密順滑的口感，同時黑豆的營養價值也使得這道甜品更加健康養生。如果下次嚟呢區我都會再嚟呢度食點心，因為真係高質抵食，性價比高。…查看更多

約朋友聚舊食晚飯，靜静地又方便泊車，一於去沙田科學園八方棧食京滬菜。餐廳主打京滬菜，但亦都有很多其它粥粉麵飯海鮮供應。餐廳除了有室內座位，亦提供戶外座位，可望著個海進餐。土耳其無花果一口骨土耳其無花果一口骨有蔬菜作伴碟，一口骨沾滿無花果醬汁，別有一番風味。芥末沙拉鮮果鮮蝦球芥末沙拉味甜，火龍果多維他命C，鮮蝦球炸醬不太厚，蝦肉彈牙。翡翠炒龍躉球三色椒西蘭花炒龍躉球，厚身的龍躉球色香味俱全，入口鮮甜美味。蒜蓉蒸開邊海蝦廚師用粉絲與蒜蓉蒸開邊海蝦，每條粉絲都沾滿新鮮海蝦和蒜蓉味，海蝦彈牙粉絲鮮甜。金沙海皇豆腐煲金沙鹹蛋黃和多種海鮮的豆腐煲，有墨魚、帶子、海蝦和蔥粒，蛋黃味和海鮮味混為一體在豆腐煲內。八方小炒皇廚師烹調小炒王夠鑊氣，有韭菜花、腰果、魚仔乾、海蝦、花枝片、炸芋絲和黃椒，一款好惹味的小菜。西檸雞有三色椒粒和蔬菜作伴碟，西檸雞份量都不少，有檸檬香味的雞肉食落酸酸地又幾開胃。馬拉盞炒通菜馬來西亞味道的馬拉盞炒通菜，鮮嫩通菜帶有鹹香味，送飯一流。…查看更多

近期在沙田科學園工作,放工相約朋友在附近餐廳八方棧食京滬菜,餐廳平日午市人來人往,座無虛席,晚上卻比較清靜,設有戶外座位供有帶寵物客人選擇。土耳其無花果一口骨第一道菜上桌係土耳其無花果一口骨,一口骨食落酸酸甜甜可增加今晚的食慾。翡翠炒龍躉球西蘭花炒龍躉球,廚師用三色椒配搭,菜式好吸引,龍躉球肉厚食落鮮美。蒜蓉蒸開邊海蝦新鮮海蝦開邊用蒜蓉與粉絲蒸,粉絲吸滿海蝦鮮味和蒜蓉味,食得好滿是。西檸雞西檸雞炸醬不太多,食落酸酸甜甜,帶有檸檬香味的雞肉,越食越開胃。芥末沙拉鮮果鮮蝦球甜甜地辣辣地嘅芥末沙拉,令鮮蝦球鮮味提昇不少。八方小炒皇有腰果,魚仔乾,炸芋絲入口非常香脆香口,夠鑊氣,飲酒最佳小菜。金沙海皇豆腐煲金沙海皇豆腐煲有多種海鮮鮮味和香濃的鹹蛋王味。馬拉盞炒通菜馬拉盞炒通菜,香氣撲鼻,越食越惹味。…查看更多

天氣好好，專登入黎科學園飲茶， 以前覺得科學園好遠，但係原來都好多巴士會經過。我地叫左個二人餐, 跟住見到佢個燒乳鴿，堂食都係$28一隻，所以我哋都叫黎試吓。點心嚟到嘅時候都係好熱，證明佢係即整，而佢地啲點心外型都好靚😍第一款點心係妃子笑咸水角，講真，咸水角平時少食，但睇評語既相好靚，就試下啦。好彩，黎到既時候冇令我失望，佢既外型好靚，初頭我諗緊咩係妃子笑，原來係荔枝其中一個品種嘅妃子笑，成粒鹹水角做到荔枝咁樣🥰佢個外殼係脆脆地，煙煙韌韌，口感幾好，而入邊嘅餡料就正常發揮。評分：👍🏻👍🏻👍🏻👍🏻/5跟住就到蘿蔔絲酥餅，佢個外型又係好好，做到成個蘿蔔，插着兩塊葉，有少少朱古力碎，做到好似插着喺泥土入邊，睇得出係有心機評分：👍🏻👍🏻👍🏻👍🏻/5飲茶一定要食蝦餃啦😆呢度嘅蝦餃，見到佢脹卜卜，熱辣辣，咬落去好彈牙評分：👍🏻👍🏻👍🏻👍🏻/5二人餐仲有燒腩仔，不過個燒腩仔就比點心差咗少少，佢外表雖然好脆，但係肉質比較鞋評分：👍🏻👍🏻👍🏻/5二人餐仲可以揀一個主食，例如炒粉麵，不過我哋就嗌咗一個西蘭花炒鮮魷。味道唔錯，都幾大碟。相信食二人餐都應該會飽。評分：👍🏻👍🏻👍🏻/5我哋仲叫咗一個燒賣，燒賣大大粒，肉質彈牙，不過原來有二人份，我地下次應該叫二人份，唔洗食咁飽。評分：👍🏻👍🏻👍🏻/5最就到燒乳鴿，上枱時係新鮮炸好，外脆內軟，多汁，呢個價錢好抵食👍🏻👍🏻👍🏻評分：👍🏻👍🏻👍🏻👍🏻/5最後，我哋仲叫咗個西瓜糕甜品，佢嘅賣相同西瓜一樣，有瓜皮有瓜，打咭一流，做得好精緻評分：👍🏻👍🏻👍🏻/5整體黎講，環境又好，食物又好，服務都好好，可以再黎食🥰整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5…查看更多

八方棧一間食北京菜和上海菜的餐廳位於新界沙田科學園科技大道東16E座海濱大樓2座地下,餐廳裝修簡約高雅,設有戶外座位供客人選擇,餐廳主打京滬中式菜,服務員招呼殷勤有禮。蒜蓉蒸開邊海蝦廚師將炸過嘅蒜蓉鋪在海蝦上面與粉絲一起蒸,配有香蔥,海蝦食落有蒜香味又鮮甜彈牙。芥末沙拉鮮果鮮蝦球大大隻蝦球炸醬不太厚,廚師用芥末沙拉做配料,提昇鮮蝦的味蕾。土耳其無花果一口骨無花果一口骨有沙律菜和免子型狀的車厘茄作伴碟,一口骨食落酸酸甜甜甚醒胃。八方小炒王小炒王材料豐富,有腰果,魚仔乾,韭菜花,魷魚,最特別係有炸過嘅芋頭絲,入口非常香脆。翡翠炒龍躉球龍躉球配有三色椒和沙律菜作伴碟,大大件龍躉球厚切,有鑊氣,食落好鮮美。金沙海皇豆腐煲豆腐煲配料豐富有海蝦,帶子和魷魚,豆腐入口好嫩滑,每口豆腐都帶有香濃鹹蛋王味。西檸雞配有沙律菜和三色椒作伴碟,炸醬不太厚,酸酸甜甜唔會瀝,食落肉嫩有雞味。馬拉盞炒通菜上桌已聞到香噴噴的馬拉盞炒通菜,越食越惹味。…查看更多

走入科學園踩單車🚴‍♀️踩到攰攰地 想飲啖茶食個包 黎到位於海旁邊的「八方棧」 有露天位置 熱辣辣都係嘆冷氣好d 😆😆點心有二人份量 我地兩個人可以試多啲款式✨水晶鮮蝦餃✨羊肚菌燒賣✨韭黃鮮蝦腐皮卷✨蘿蔔絲酥餅✨蔬汁金柚雪山包蝦餃燒賣飲茶必點 ！腐皮卷香酥皮脆 蝦肉彈牙蘿蔔絲酥餅造型可愛 ！綠柔柔雪山包第一次食內餡係金柚 酸酸甜甜的👍🏿✨紅燒妙齡乳鴿（$28）每兩位可以點一隻 啖啖肉真不錯木瓜雪耳糖水（送）飲茶送糖水 抵食…查看更多

趁今日假期，同朋友出咗嚟科學園，平時去開科學園都會搵啲Cafe chill下，今次朋友建議食中菜，咁岩見到呢間茶樓，雖然都係食點心，但設計裝修方面就唔似一般嘅茶樓，餐廳採用自然光，令到成件事感覺好精神，而且座位都非常闊落。沙茶安格斯牛肉炒河見到個名都覺得好吸引，牛肉果然好重牛味，最鍾意食濕濕哋嘅河粉，加上菜亦都唔少，絕對可以減油膩嘅感覺，而且個味道條配得啱啱好，每一個食材都唔會搶過其他食物嘅味道。椒鹽鮮魷鬚好想食返啲香口嘅嘢，於是點左呢個，出邊脆卜卜，而且魷魚鬚都好肥美，椒鹽味恰到好處，下次都會再點紅燒妙齡乳鴿食落非常香口惹味，非常有大排檔嘅感覺，外面小脆皮，而且味道鹹香，妙齡乳鴿肉質非常鮮嫩，兩個人食一隻啱啱好沙嗲鬼馬牛肉腸粉腸粉入邊加咗一層薄脆，果然鬼馬，食嘅時候非常有口感，冇諗過腸粉都可以食得出脆卜卜嘅感覺，而且牛肉口感豐富，唔會比沙嗲味蓋過。香煎臘味蘿蔔糕整到外脆內軟，而且臘味非常多，咬落非常香口，絕對冇偷工減料㗎。招牌流沙包賣相非常精美，蓋上餐廳嘅名字，唔會太大舊，食得可以好有儀態都得，而且咬落去嘅時候奶黃流心真係好吸引，呢個奶皇包係我去過咁多餐廳數一數二嘅水準。沙嗲金錢肚每次去茶樓必點嘅點心，可以睇得出廚師落咗幾多功夫，今次呢個牛肚食落去嘅時候簡直非常爽口彈牙，而且沙嗲汁香濃入味，加上其他配料之後果然非常出色。…查看更多