餓虎藏龍

营业中

休息中

上回講到去完啟德嘅Joypolis玩咗成日，都肚餓啦！呢度嘅4樓就有一間叫餓虎藏龍嘅餐廳，朝頭早係咖啡室，食輕食，夜晚就搖身一變成為好潮好靚嘅酒吧，非常打卡able! 聽晚做鄭周杰倫演唱會，餐廳仲提供兩款特調嘅Cocktail，仲成晚播住周杰倫嘅歌，買唔到飛入去睇演唱會，都感受到龍龍嘅周董氣氛！正！😍餐廳好特別嘅係有個好大嘅戶外位置，容納到好多人，公司包場都得！而出邊個夜景真係一流，望住成個啟德體育園，仲見到主場館夜晚嘅燈光，天氣唔太熱，坐出邊飲住杯嘢，同朋友傾吓偈，認真一流！嘢食方面，佐酒小食梗係唔少得啦！我哋叫嘅日式餃子，黃金雞翼，送酒一流👍🏻值得一讚係今晚嘅辣肉腸pizza ！即叫即整，個皮烤得好香脆，仲拉到絲，食到停唔到👍🏻👍🏻 黑蒜油叉燒拉麵都唔錯，湯底好香濃，食完就啱啱好😝 最後老闆仲俾咗兩個甜品我哋試，士多啤梨奶凍口感十足，超級Q彈，另外個開心果批都好特別，甜度啱啱好😍呢度仲有售賣Sonic嘅紀念品，大家去開呢個體育館玩，記得要嚟埋呢間餐廳啦！