廣麪子

营业中

休息中

“切腩四寶撈粗”($68)“魚蛋魚片湯河”($40)“鮮油奶多士”($16)“酥炸魚片”($26)“凍檸茶”($22)“什果賓治”($30)喺筲箕灣東大街嘅安利大排檔應該好多人都識最近安利除咗喺中環街市開外賣線仲喺灣仔開咗間副線廣麪子餐牌其實同筲箕灣安利大同小異對於喺金鐘灣仔一帶返工嘅我又多個放飯好選擇😛嚟到當然要叫返個招牌嘅切腩四寶撈粗😍四寶即係切腩,魚蛋魚片,牛丸,雲吞一碗麵嘅份量超足,連啲料都大大件🤤切腩食落腍滑,一啲都唔韌🐮粗麵麵質彈牙,味道唔會過鹹☺️加埋啲勁香嘅自家製辣椒油真心正🌶另一碗就叫咗魚蛋魚片湯河魚蛋魚片食落夠哂彈牙,仲有啖啖魚香河粉都十分幼滑😚加上紅醋,辣椒油,酥炸魚片一齊食簡直係享受🤣最後又點少得安利另一樣名物鮮油奶多士😛烘到脆一脆嘅厚多士中間夾住牛油同煉奶呢啲咁肥咁邪惡嘅嘢就最岩我胃口🤤😈飲品方面要讚一讚個凍檸茶🍋個茶底好香濃,但又唔會苦澀什果賓治大大杯入面仲超多果肉係久違嘅味道😝