立鮨 (富達大廈)

营业中

休息中

疫情期間無論邊度都好去到夜晚九點十點都冇乜邊間餐廳仲開。所以都嗱嗱臨搵間唔差嘅買外賣返屋企食。其實呢間立鮨想試好耐但因為佢冇得坐所以的唔起心肝去食。其實喺日本係有食立食嘅，但唔知點解喺香港就唔想。做緊外賣八折所以都幾抵食。唔想煩所以就揀咗刺身丼，貪佢乜嘢都有。買刺身丼外賣最好嘅好處就係返到屋企都唔會凍，因為本身係凍嘅，哈哈。望落個樣啲刺身就正常嘅，應該唔差。但當我翻開刺身望下啲飯， surprise，啲飯係有調味過有啲啡色，視覺上刺激左我。第一次食有味嘅刺身飯係喺尖沙咀嵐橋，嗰間啲飯都好好食好深印象，見到咁樣即刻加分。全部刺身都唔錯嘅啲飯又好食，可以encore。