影片
更多
2023-03-05
84 浏览
收工唔知食乜，遇著珠寶展度度都勁多人，見到呢間冇乜人排隊又好似好地道，價錢又吸引，就膽粗粗衝入去試下。店員似乎都係越南人，感覺都應該幾正宗。店面細細，要去cashier 落單。叫左個生牛肉河，香茅豬扒法包，追加小食牛油雞翼同越式春卷。食越南河最重要係個湯底。當年去越南食嗰個湯嘅味道我一直都無法忘懷！香港食過無數間就算都係越南人開嘅都食唔返嗰個味道。香港食到嘅，一係唔夠香，一係就濃味似味精湯，缺少嗰種肉嘅鮮甜味同清新感。呢個湯令我覺得似喇就係嗰種清甜味喇！至於法包，我一咬落去，咦？唔係硬「掘掘」嗰種法包喎！外面脆裏面軟軟的，口感好ok 喎！饀料唔係用生菜，係用醃蘿蔔絲，個汁好清新！可惜係豬扒冇乜咬口偏軟，亦缺少豬肉味。牛油雞翼個皮唔係脆咁簡單，係酥脆！越南春卷係有芋泥饀嗰種，我幾鍾意！配上兩塊BB 生菜。不過我覺得每樣野份量都有啲少，$90 湯河配飲品，$90 法包配飲品，兩件雞翼同兩件越南春卷各$20。食完有啲唔係好夠飽😂 下次要叫多啲小食先得
店員似乎都係越南人，感覺都應該幾正宗。店面細細，要去cashier 落單。叫左個生牛肉河，香茅豬扒法包，追加小食牛油雞翼同越式春卷。
8 浏览
0 赞好
0 留言
食越南河最重要係個湯底。當年去越南食嗰個湯嘅味道我一直都無法忘懷！香港食過無數間就算都係越南人開嘅都食唔返嗰個味道。香港食到嘅，一係唔夠香，一係就濃味似味精湯，缺少嗰種肉嘅鮮甜味同清新感。呢個湯令我覺得似喇就係嗰種清甜味喇！
至於法包，我一咬落去，咦？唔係硬「掘掘」嗰種法包喎！外面脆裏面軟軟的，口感好ok 喎！饀料唔係用生菜，係用醃蘿蔔絲，個汁好清新！可惜係豬扒冇乜咬口偏軟，亦缺少豬肉味。
牛油雞翼個皮唔係脆咁簡單，係酥脆！越南春卷係有芋泥饀嗰種，我幾鍾意！配上兩塊BB 生菜。
不過我覺得每樣野份量都有啲少，$90 湯河配飲品，$90 法包配飲品，兩件雞翼同兩件越南春卷各$20。食完有啲唔係好夠飽😂 下次要叫多啲小食先得
张贴
