醉鮮靚湯特色粉麵

营业中

休息中

本來想食吉邊，友人A HLT，佢就提議食呢間。醉系列幾特別，就叫左醉豬手魚湯米線。同行友人們就叫左醉雞魚湯米線同鯇魚咀魚湯泡飯。醉系列個魚湯係幾鮮甜，唔會膩。醉雞同豬手幾夠味，唔會淡，好怕食到啲唔入味，得表面嗰層掂到啲汁。到鯇魚咀泡飯上場，我地真係O哂咀，兩個魚頭完整放喺碗面，估佢唔到。試左一啖個鯇魚湯，完勝，濃湯咁嘅味。再食返自己嗰碗，好似清湯咁。不過友人A話雖然夠味但食到尾有啲咸。不過唔係人人都handle到個鯇魚咀，我呢啲唔識食魚頭嘅真係無謂試，唔好嘥野。調味品有隻係啲蝦仔，好有心思。加少少落碗麵到，個湯更鮮味！整體黎講野食唔錯，不過建議大食人士唔好叫米線，因為唔夠飽，得嗰幾條，要食多餐先填飽到個肚。