影片
更多
2016-01-04
13562 浏览
之前聽好多人都讚自助山，見佢個價唔係平，我星期六去(冇辦法，時間就唔到)，得半場，但價錢唔好話冇得平一半，係一個仙都冇得平，好我忍你，為咗試一試你龍與鳳，ok，豪比你.......一開始，就試你海鮮冷盤，味道.......ok喎，係我食過嘅自助餐，味道真係數一數二，比上次Yamm好，價錢大家差不多，但感覺真係好味啲，啲凍蝦又大又彈牙，蟹鉗啲肉質好，龍蝦，螺，𧐢等等都好有水準，排隊係抵嘅輪係抵嘅，但..........其他食物感覺就急轉直下，中式點心可以唔食囉，樓下茶樓好過佢，蒸魚?一個字..嚡，熱葷真係普通，東蔭公湯叫Ok，鵝肝定鴨肝多士唔記得咗，總之味道一般，個細細個嘅鵝肝醬漢堡唔係太好奇想知係咩味就唔好攞，我好奇到攞咗兩個，結果......唔好提，燒味係試過咁多間自助餐排第一.....由尾數上，义燒乾硬化，牛排就好味嘅，甜品都叫款多，味道好壞一半半啦，棉花糖食完枝營光棒棒係送比你嘅，如果唔介意好多糖黐住，炒雪糕，貪新鮮可以試但味道一般，雪葩就幾好味，窩芙就普通，.....咦?講漏咗鮑魚，不過...都唔算嘅，因為我剩係知有鮑魚而係冇見過，全晚只見到個牌寫住製作中，但次次都冇緣見面，唉
一開始，就試你海鮮冷盤，味道.......ok喎，係我食過嘅自助餐，味道真係數一數二，比上次Yamm好，價錢大家差不多，但感覺真係好味啲，啲凍蝦又大又彈牙，蟹鉗啲肉質好，龍蝦，螺，𧐢等等都好有水準，排隊係抵嘅輪係抵嘅，但..........
其他食物感覺就急轉直下，中式點心可以唔食囉，樓下茶樓好過佢，蒸魚?一個字..嚡，熱葷真係普通，東蔭公湯叫Ok，鵝肝定鴨肝多士唔記得咗，總之味道一般，個細細個嘅鵝肝醬漢堡唔係太好奇想知係咩味就唔好攞，我好奇到攞咗兩個，結果......唔好提，燒味係試過咁多間自助餐排第一.....由尾數上，义燒乾硬化，牛排就好味嘅，甜品都叫款多，味道好壞一半半啦，棉花糖食完枝營光棒棒係送比你嘅，如果唔介意好多糖黐住，炒雪糕，貪新鮮可以試但味道一般，雪葩就幾好味，窩芙就普通，.....咦?講漏咗鮑魚，不過...都唔算嘅，因為我剩係知有鮑魚而係冇見過，全晚只見到個牌寫住製作中，但次次都冇緣見面，唉~~~
另外，個晚已經分兩場，我哋早幾個字去到......下幾層電梯到，仲要排隊，仲要8點先開始安排電梯遂批遂批上去，大佬，你唔係半價呀，好心早少少開始啦，最係在差不多夠鐘，個個好似慌死蝕本係咁出去攞嘢食，場面好似走難咁，食自助餐未見過囉，見咁嘅場面，都係走早啲，費事一陣要慢慢迫電梯落樓。
劣評最主要係個價錢與用餐時間及味道好大對比，如果我係一至四食全晚時間會比ok，但兩個鐘仲要排隊，係咁先啦
张贴