新記美食

营业中

休息中

以前去開銅鑼灣，都會嚟呢間店吉串魚蛋幫襯下，最近嚟食返，真係難食咗好多，啲水魷淡而無味，魚蛋夠彈牙，但唔夠咖哩味，燒賣竟然有酸味，要嗌夠$40/位先可以入去坐，咁生意難做大家都明白嘅，最後兩個人買咗$90入去坐低食。 點知坐咗15分鐘左右，啲阿姐開始眼啤啤，已經無期望過會有服務，點知啲態度會咁差，想趕客走咁款，（嗰時係下午五點幾，未到晚市繁忙時間，舖頭仲有好多吉位，亦都無人等緊位），如果啲嘢好食，咁都死死地氣忍咗佢，但最慘啲嘢又唔好食，食到背脊骨落，咁嘅價錢相信有更好選擇。