六點未開門，門口已經排晒人龍👫👫。雖然係小店，居然仲有二樓，夠晒寬敞！
「菠蘿海鮮炒飯」絕對係必點！🍍 用原個菠蘿上，炒飯鑊氣十足，鮮蝦超彈牙、菠蘿仲夠鮮甜，最正係仲有一楷香甜嘅燒菠蘿，誠意滿分。💯
另一個驚喜係「特製蒜蓉包」，造型有點像南瓜🎃，中間仲有粒蒜頭！🤣 點埋佢地秘製嘅「黃咖喱牛腩」，咖喱香濃，牛腩炆得軟腍，用蒜蓉包蘸滿咖喱汁，滋味無窮。😋
平時肉碎生菜包就食得多，今次試新嘢「豬頸肉生菜包」！🐷 豬頸肉切片炒得香口，用新鮮爽脆嘅生菜包住食，口感豐富，又唔會太膩。
下次想食地道泰菜，唔使再山長水遠出九龍城啦！😉
