芭堤雅泰國餐館

营业中

休息中

🍽️ 地道泰式風味，人氣爆棚餐廳食後感！呢間泰國菜餐廳大排長龍已成日常，即使已預約，都要等約十分鐘先有位，可見受歡迎程度非凡！🥖前菜蒜蓉包令人驚喜，外層搽上香氣逼人嘅蒜蓉醬，入面仲夾咗香脆烤蒜，蒜味濃郁卻不刺鼻，開胃一流。🍢 泰式小食拼盤包羅萬有:蝦餅、魚餅、春卷、炸雞翼，加埋招牌豬頸肉，外脆內嫩，香口惹味。另外，肉碎生菜包都保留住正宗味道，彷彿置身曼谷街頭。🍤 主菜冬陰功湯用料十足，湯底酸辣鮮甜，層次豐富，一啖即感受泰國靈魂滋味。🍍 菠蘿炒飯絕不遜色，飯炒得乾身粒粒分明，入面仲有蝦、青口同肉鬆，口感有層次，伴碟燒菠蘿亦香甜多汁。🥤 飲品選擇繁多，包括百香果梳打、蝶豆花椰子水、阿華田冰等，視覺同味覺都照顧周到，打卡之選。🍨 甜品方面，泰式奶茶沙冰濃郁香甜，椰子雪糕滑而不膩，完美作結。

今日肥妹仔去咗元朗食泰國嘢，呢一間泰國嘢之前都食過，又平又抵食。肥妹仔叫咗個泰國串燒牛，佢呢個串燒牛個調味係甜甜地，食落去雖然有少少筋位，但係好香牛味，好食。另外再叫咗個泰式黃金蝦餅，個蝦餅超厚肉，入邊全部都係蝦肉，咬落去非常之爽口彈牙，鍾意食蝦餅嘅人一定要叫。注重健康嘅肥妹仔一定會叫碟菜，呢一個馬拉盞通菜勁地道，我叫咗小辣，食落去好惹味。啲通菜好新鮮爽口，冇渣。飯就叫咗個泰式豬頸肉炒飯。呢個好特別，用咗蝦頭油炒，所以食落去有淡淡嘅蝦味。而佢嘅醬油味呢都好香，豬頸肉好爽口彈牙，炒飯炒得好朝身，係一個好好食嘅炒飯。

天氣熱到無晒胃口，朋友提議去食開胃泰菜。炭燒豬頸肉邊位燒到焦香酥脆，有少少脂肪但唔油膩，爽口彈牙，香口多汁。飛天通菜口感爽脆，並帶有微微鹹香。泰式濃香喇沙湯河粉有海南雞同豬頸肉揀。揀咗海南雞，份量頗多，肉質嫩滑。湯底香濃，充滿椰香，河粉滑溜，吸晒啲湯汁精華，啖啖滋味。斑斕香酥多士賣相邪惡吸引！多士酥脆鬆軟，加埋濃郁香甜嘅斑斕醬同椰香滿滿嘅椰汁雪糕，食到停唔到口！芒果沙冰甜度適中，啖啖清爽透心涼，好消暑。

芭堤雅泰國餐館位於元朗安樂路，係一間裝修充滿南洋風情既泰式 Café。餐廳以白色牆身配搭竹藤吊燈和綠色植物作點綴，感覺清新自然。店內樓高兩層，午市時段人流不絕，氣氛熱鬧，人氣相當高。午市套餐 -蟹肉蛋汁咖喱飯蟹肉咖喱飯蛋香濃郁，咖喱味道溫和，飯粒吸晒醬汁，幾惹味。午市套餐 -椰香黃咖喱牛腩配薄餅牛腩咖喱椰香突出，牛腩炆得夠腍，配埋香脆薄餅一齊食，幾有層次。另加配小食手打黃金蝦餅外脆內彈，紅咖喱魚餅香料味濃，炸冬陰功雞塊微辣開胃，飛天炒通菜炒得爽口唔會太油。飲品阿華田泡沫火山朱古力味香濃，泡沫厚滑。椰汁冰清甜解渴，椰香濃郁。整體食物很有水準，價錢合理，難怪咁受歡迎！

呢間餐廳之前已經聽朋友介紹過話好好食而且仲好多人排隊，於是星期6嘅1早就出發嚟元朗，向佢未開鋪前已經排隊等食。今次就決定散叫嘢食冇叫到lunch set，不過留意到隔離枱叫嘅lunch set都大大碟而且仲好香，下次有機會會再嚟試過。碎肉生菜包 - 食泰國菜必點，仲要叫左多辣，估唔到做到想要嘅辣度，而且口感層次非常豐富，肉碎唔會炒得太乾身，必食！！！炭燒豬頸肉 - 一上枱已經聞到勁香，咬落仲好juicy，而且燒到好香口，心機之作！！！黃金手打蝦餅 - 蝦餅非常厚身，好有咬口而且彈牙。椰子雪糕杯 - 椰子肉好鮮甜，配搭埋花生同粟米粒，口感非常豐富，夏天必食！！！下次再嚟會想試埋芒果糯米飯。

夏日熱辣辣，最好食泰國菜，開胃又醒神，平時經過元朗，次次都見到呢間店大排長龍🤣，今日把心一橫決定一試！香辣肉碎煎蛋飯$65肉碎份量好多，配埋泰國香料好香，煎蛋上面嘅汁好開胃，甜甜地咁，配白飯一齊食絕配！蟹肉蛋汁咖喱飯$98蟹肉份量多，好鮮甜，咖喱惹味 ，配蛋一齊食，三重享受！黃金蝦餅$25（跟餐加配價）外脆內軟，炸得香口，入邊仲有好多嘅蝦添🦐香芒糯米飯$58芒果好甜，而且份量好多，同朋友share最啱，糯米飯亦都煙靭可口😍泰國椰青$42椰青仲有刻字添，好似適合lady打卡😍，味道清甜😚，多汁😋泰式檸檬茶$10 （跟餐價）酸酸甜甜，夏天開胃飲品😍芭堤雅泰國餐館 (元朗)元朗安樂路1-11號明珠樓地下1號舖

不論是食物質素、製作時間、服務、環境衛生，元朗芭堤亞絕對是排名第一當之無愧！這次是我第N次來，服務團隊及食物質素就是一間餐廳最重要的，他們全部都做到。即使是飲品、甜品，也多得花多眼亂，暫時我試過的都很高質，而且全是打卡之作。今晚我們品嚐下列菜式：生蝦-如果來晚餐不點這個作前菜，必定帶走遺憾。燒豬頸肉-無得頂👍🏻菠蘿炒飯- 原個菠蘿+海鮮，裡面保留了菠蘿原有甜味，開胃法寶。黃金牛肉炒飯-一個很稀有而特別的泰國菜，不容易在泰國菜裡出現，我極力推薦👍🏻飛天炒通菜-不能不點的菜

次次喺元朗經過都見呢間好多人等位，今次就試吓佢有幾把炮首先要醫吓肚，食返個lunch打底先，禮拜日都仲有lunch set，有湯有埋醃菜跟嚟碟蟹肉咖喱飯，醬汁金黃好creamy，上面鋪有一堆蟹肉好足料，泰國絲苗米質感好爽，同裡面嘅炒蛋好夾雞髀金麵賣晒，唯有轉食船麵，船麵嘅湯底都好香濃開胃，河粉大大片夠索汁和牛好爽彈入晒汁，仲有肉丸、蘿蔔同脆片好夠料見有幾檯人都嗌蒜蓉包，好似好架勢堂，就跟機嗌份嚟試吓，麵包中間插住一大揪迷迭香一切香勁香蒜香同草香，果然非同凡香食飽之後就開始填埋第二個胃，泰茶雪山真係暫時係大胃食過嘅香港第一，冰粉勁乾爽，超濃泰茶香，倒啲椰香奶蓋同Lotus餅碎，味道口感變得更有層次班蘭多士都係必嗌嘅一份甜品，多士口感好酥脆，上面嘅椰子雪糕超香綿，仲有啲椰絲，加上大量班蘭醬，香口到幾飽都一定要食跟餐加錢可以有泰茶飲，仲要杯泰杯係有奶蓋面，仲有啲deco，飲落好香甜泰綠茶都可以加，一樣睇得又飲得，好有茉莉花香

餐廳位於元朗站天橋旁邊在元朗站出口步行幾分鐘到達 非常方便✨餐廳有兩層 裝橫有特色🍃環境舒適擺盤用心精緻 而且又平又好吃！極高性價比🥹📌鴨肉生菜包 $88肉碎用泰式香料炒香 香濃惹味重點是肉碎的份量超多 可以包到十份🙌🏻📌特製蒜蓉包 $38小圓包🥯搽滿牛油、蒜蓉再配迷迭香中間還有一整顆烤蒜頭🧄即叫即整熱辣辣 外脆內軟外面還有一點芝麻香 單吃或配咖喱都很可以！📌蟹肉蛋汁咖喱飯 $148賣相精緻 蟹肉🦀份量超多！咖哩汁也很香濃 超級適合配飯吃🍚📌泰奶雪山 $68擺盤精緻 加上奶蓋超適合打卡📸奶茶🧋味道濃郁 加上海量焦糖餅乾脆脆口感很有層次 推薦👍🏻

⭐ 評分：★★★★☆ (4.5/5)---🍽️ 晚市必點菜式 🌿 馬拉盞炒椰菜苗（少辣 $78） → 鑊氣十足！椰菜苗嫩甜無渣，馬拉盞鹹香帶微辣，蝦米碎超多，送飯一流～ 🐟 明爐鮮青檸蒸烏頭（少辣 $168）→ 烏頭厚肉無泥味，青檸湯底酸辣醒胃，底部椰菜花吸盡精華，建議加粉絲！ 🦐 新鮮生蝦（$168/8件） → 蝦肉冰鎮爽脆，蒜片+辣汁+薄荷葉層次爆棚，新鮮度滿分。 🦀 秘製蛋汁咖喱炒蟹（時價 $468） ✅ 必食理由： - 咖喱蛋汁濃郁香甜，蟹肉飽滿，蟹鉗已敲裂方便食用。 - 配 香酥薄餅（$32）蘸汁，邪惡度爆表！ 🥤 青檸梳打（$38） → 薄荷葉+足氣梳打，完美中和泰式重口味。 ---🏠 環境 & 服務地道泰風：簡樸小店格局，牆身泰國風景畫，桌距窄。- 服務：店員主動推薦菜式，上菜速度快- 晚市時段：建議6點半前到或訂位，週末易滿座。 ---📌 總結 「元朗泰菜天花板！咖喱炒蟹+薄餅組合無得輸～」 👍 優點： - 食材新鮮（生蝦、烏頭），調味正宗不死鹹。 - 咖喱炒蟹水準拍得住九龍城名店，但價錢更親民。 推薦組合： 1. 咖喱蟹 + 薄餅 +

這個周末，我和閨蜜一齊黎元朗吃喝玩樂，享受假期。見到哩間充滿文青又清新氣息嘅泰國餐廳，決定入去打卡食飯💕🔸安格斯燒牛肉咖喱黃金炒飯安格斯牛肉熟度啱啱好，肉質嫩滑，而且牛味好重，非常濃郁！炒飯亦相當有鑊氣，粒粒分明，充滿着咖喱嘅香味，非常好吃！🔸 鬆脆炸五花腩五花腩肥瘦層次分明，外皮炸得非常酥脆，油香滲出嚟但唔會膩，蘸些酸辣醬更加開胃！🔸炭燒豬頸肉豬頸肉烤到金黄色，肉質超級嫩又有焦香，十分香口惹味，配上他们的秘制蜜糖醬料，簡直讚不絕口！🔸 奶茶雪山這款奶茶雪山賣相精緻漂亮！質感綿密，每一啖都充滿着奶茶嘅香味，加上Lotus餅乾碎豐富口感，味道好夾！夏天食真係透心涼！🔸泰式奶茶甜度適中，十分絲滑，賣相也很漂亮，有種置身在泰國嘅感覺！

15人家庭聚會，提前一日聯絡餐廳預備外賣食品，把食物清單WhatsApp給店舖老闆及繳付訂金，老闆和員工都細心安排，把食物包裝好並放在保溫盒準時交收。食物色香味俱全衛生可靠，值得推薦今次嗌咗以下食物1. 招牌香葉炒肉碎飯（1份）2. ⁠炭燒豬頸肉煎蛋飯（1份）3. ⁠泰國船河金邊粉 (1份)4. ⁠乾炒大蝦金邊粉(1份）5. ⁠香芒糯米飯（3份）6. ⁠鮮菠蘿海鮮炒飯（1份）7. ⁠火車頭蟹肉炒飯8. ⁠安格斯燒牛肉肉咖喱黃金炒飯（1份）9. ⁠特製蒜蓉包（1份）10. ⁠泰式秘製黃咖喱牛腩（1份）11. ⁠鹹肉炒芥蘭（1份）12. ⁠馬拉盞炒通菜（1份）13. ⁠泰式炒椰菜（1份）14. ⁠蠔仔煎蛋（1份）15. ⁠肉碎生菜包（2份）16. ⁠大蝦青木瓜沙律（2份）17. ⁠沙嗲串燒（雞×6豬×6牛×12）18. ⁠泰式拼盤（3份）

作為區內一家小有名氣的泰國餐廳水準的確不差　價錢於香港亦算合理但即使餐廳已經兩層 坐位已經偷盡的情況之下晚市等侯時間依然不理想於元朗區泰菜 的確排得上頭幾位只要選中安全菜式用餐體驗會不錯泰式生蝦 - 蝦肉彈牙 醬汁惹味 基本上只要生蝦質素合格 配上生蒜及辣椒就合格有餘冬蔭功湯 - 合格，但非十分好飲　有兩隻大蝦但明顯不算新鮮 / 解凍未夠，兩次光顧蝦肉都痴殼及肉質變霉 (但不影響湯的味道)蒜蓉包 - 圓滾滾的形狀  個人更喜歡一片片烘過的鬆脆蒜蓉包 芭堤雅的偏向軟綿 青咖哩雞 - 個人認為完全不辣　但配上蒜蓉包味道不錯 但! 雞件處理有待改善　雪藏味甚重肉碎生菜包 - 好食 ! 有驚喜! 但只限能食辣 喜歡青檸名香茅味的人士　生菜大大片份量亦不錯　但亦因此肉碎略嫌不夠蝦餅 - 即炸 彈牙 配甜酸醬不錯 貨源不錯菠蘿炒飯 - 普通炒飯放於菠蘿內....沒有菠蘿...甚至沒有什麼味道...最後我加冬蔭功湯變泡飯食...

假期要OT，午餐梗係要食餐好嘅安撫吓弱小心靈🥹 Lunchtime好受歡迎，好彩早到，而且餐廳有兩層可以坐👍🏻🦐 乾炒大蝦金邊粉 $82份量足，唔會太重口味、無油膩感，調味方面做得幾好👍🏻🌶️ 酸辣鳳爪 $78大大盤有好多隻鳳爪，口感爽脆，酸辣好開胃🤤🥭 香芒糯米飯 $58糯米飯煙韌軟糯，芒果鮮甜冇渣，鹹鹹甜甜嘅組合好正🙌🏻🍧 奶茶雪山 +$58每次必點，打卡一流📸 泰奶味濃郁，刨冰口感綿密～🍌 華田脆脆香蕉飛碟 $62🥥 加椰子雪糕 +$10呢個有驚喜💯 飛碟外脆內軟，夾滿香蕉同朱古力醬，香甜又飽肚；雪糕嘅椰子味濃郁天然，口感扎實。🧋 泰式綠奶茶（少冰） +$10平時飲開泰奶，今次試下綠奶茶。呢款相對冇咁甜，更具茶感，賣相都好靚💚食飽飽有力去開工嚕～

泰式風味｜$ 𝟓𝟏-𝟏𝟎𝟎⎻⎻⎻⎻⎻⎻⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌑 𝟒.𝟎⎻⎻⎻⎻⎻⎻▻ 咸香海南雞配油飯 (𝗛𝗞𝗗𝟲𝟱) ★★★★☆雞既份量都幾多，質感香滑，味道唔錯。油飯雞油香味突出，但略嫌飯既質感唔夠粒粒分明。海南雞飯點少得醬汁！甜豉油發揮正常，辣汁個人覺得有少少過咸，本身蒜香&辣味唔夠出，不過整體都唔錯。⎻⎻⎻⎻⎻⎻▻ 隨餐: 是日餐湯 胡椒湯 ★★★★★例湯驚喜地做得十分出色！入口胡椒味好出，蘿蔔亦都好清甜無渣，高水準之作🌟⎻⎻⎻⎻⎻⎻▻ 隨餐: 柚子檸檬蜜 ★★★★☆今餐醬料味道重，配上比較清新既飲品，起到中和作用。飲落幾順口，惟飲到最尾有少少甜。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌑 𝟒.𝟎⎻⎻⎻⎻⎻⎻拍攝當日為平日午餐時段，人流頗多。但職員都好積極，送餐時間亦理想，無等太耐，所以印象唔錯。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌖🌑 𝟑.𝟕⎻⎻⎻⎻⎻⎻餐廳走打卡𝐂𝐚𝐟𝐞小店風格，樓底偏高，裝修以白色作主調，視覺較為開揚柔和，不過餐廳面積不大，座位佈局較窄，坐得有啲迫，拉上補下，環境算中