影片
更多
2020-10-07
7941 浏览
朋友問，去過咁多staycation，暫時邊個最優惠，呢個問題有少少難答，人人想法要求不同，而且每間酒店有佢嘅特色，好難一概而論。呢個咁熱嘅topic絕對係時下最juicy的話題，上兩個禮拜講半島嘅瘋狂派對後房間狀況，今個星期又係網上細數Murray五宗罪。當然，週末你喺任何一間五星級酒店走一轉，你都會發現香港人嘅消費能力非常之強，間間酒店check-in都大排長龍，餐廳全full，老實講酒店應接不暇都係一件必然嘅事實。當然大家俾咗錢都係想有最好嘅服務，最好嘅食物，最好嘅房間，但係我成日都覺得如果唔係疫情，酒店又點會係呢個價錢。做酒店嘅朋友係呢個咁艱難嘅時間其實都真係捱得好辛苦，又要爭market share 、又要應付要求非常高而最難應酬嘅香港客、又要計costing，大家投訴前又有冇諗過，其實酒店真係從來都唔係一個低消費活動。然後有班blogger朋友或者YouTuber，佢哋將呢啲Staycation最好嘅一面放晒出嚟，觀眾睇完自然有落差。當然所謂blogger界都有外爭暗鬥，呢個話佢有得住邊間點解我冇得住，有房冇飯食又唔高興，又係有好多好笑野，有興趣話你聽，分分鐘好睇過介紹你去
呢個咁熱嘅topic絕對係時下最juicy的話題，上兩個禮拜講半島嘅瘋狂派對後房間狀況，今個星期又係網上細數Murray五宗罪。
當然，週末你喺任何一間五星級酒店走一轉，你都會發現香港人嘅消費能力非常之強，間間酒店check-in都大排長龍，餐廳全full，老實講酒店應接不暇都係一件必然嘅事實。
當然大家俾咗錢都係想有最好嘅服務，最好嘅食物，最好嘅房間，但係我成日都覺得如果唔係疫情，酒店又點會係呢個價錢。
做酒店嘅朋友係呢個咁艱難嘅時間其實都真係捱得好辛苦，又要爭market share 、又要應付要求非常高而最難應酬嘅香港客、又要計costing，大家投訴前又有冇諗過，其實酒店真係從來都唔係一個低消費活動。
然後有班blogger朋友或者YouTuber，佢哋將呢啲Staycation最好嘅一面放晒出嚟，觀眾睇完自然有落差。
當然所謂blogger界都有外爭暗鬥，呢個話佢有得住邊間點解我冇得住，有房冇飯食又唔高興，又係有好多好笑野，有興趣話你聽，分分鐘好睇過介紹你去食嘢。
都係唔講太遠，以集中講食為主嘅我，睇staycation 都一定會自己的標準，我覺得最抵住嘅一定係零房價，自己鍾意食乜就叫乜，五星級房間係免費送俾你，上次Cordis 就係例子，同系嘅Langham係十月都有呢個優惠，間接係你嚟食飯就有房住，咁平邊到搵。
本身諗住月尾先至嚟staycation，意外地前幾日先拔頭籌有朋友入住，就用個credit來到唐閣摘星，三星級的午餐，毫無疑問，非常精彩。
當然好多人話唐閣嘅水準好壞參半，但係我今日嘅感覺係只要你叫對的食物大概你應該唔會失望。
今日先唔講佢個staycation package，剩係講唐閣。
第一樣野一定推薦的是XO醬煎腸粉，五年前第一次吃，嗰味到今日都仲記得，師傅用上大火勁炒，炒到不會太過燶，熱辣辣，表面又脆又好食，XO醬滲透條條腸粉之中，絕對係一定要吃的作品，完全無退步過。
明閣的叉燒已是精彩，大佬應該做得更好。相對來說，叉燒夠大件，比較甜，整體燒得不錯，而且有些肥位令人吃得津津有味，和前排在嘉麟樓吃到的肥叉，有過之而無不及。
鮑魚花膠酥係靚女S小姐推薦，果然全部主角都係養顏滋補嘅食物，酥脆可口。呢個精美小巧，價錢雖然稍貴，但絕對係推薦之作，你冇諗過鮑魚花膠咁樣配搭都可以咁好食。
明閣都有同樣嘅蟹蓋，呢度做得再creamy啲，蟹肉多到你想像不到，聽講每個蟹蓋係用五至六隻嘅蟹肉拆出嚟，老實講，點會唔好食，上次明閣飲得太多，可能嘗唔到那真味，今次可以好好品嘗。
唐閣寶盒飯，好有貴氣，焗過嘅海鮮飯，以炒飯做底加上好多種唔同嘅海鮮，還有唔會太膩嘅白汁，一個人KO一碟，絕不過份，不過老實講 ，真係要睇你有冇叫蟹蓋。如果你又食蟹蓋又食呢個飯，真係會飽到出汁。
聞說甜品蛋撻仔和木槺豆腐布丁也是推薦之作，不過最後太飽，放棄了。像今天，剛剛好三人一餐飯，用完成間房嘅$1500Credit，即係食餐飯就有房送。
呢度名作非常多，月尾真正入住嘅時候，深入再戰同大家報導。
講真，咁抵食，點會唔去摘番三粒星。就算你唔係什麼名人blogger又冇人邀請你去的話，咁嘅deal都好抵去啦，摘星送房，好難推搪。
唐閣
尖沙咀北京道8號香港朗廷酒店1樓及2樓
张贴
