先講個人覺得最出色嘅菜式：
拔絲鳳梨咕嚕肉
唔係特別鍾意食咕嚕肉，但係呢度嘅味道做得好出色。第一啖食落去個皮好脆好有咬口，個汁酸酸甜甜得來亦都好溫和唔會好霸道。外脆內軟嘅口感，絕對令我就算唔特別鍾意食咕嚕肉，都夾完又再夾來食。
:)杏汁燉白肺湯
係呢度嘅名物，飲落有淡淡嘅杏汁味唔腥，好療癒。符合預期嘅味道。
南瓜盅炒素：南瓜外殼係純粹for 賣相，入邊d 菇炒得好乾身又好香口，又mix 埋唔同嘅菇類有唔同口感，好食。
比較失望嘅，係：
🤔古法鹽焗雞
上到枱嚟個樣唔似鹽焗雞，問侍應係咪來錯？佢話係鹽焗雞呀。但係食落，點都係脆皮炸子雞嘅口感同味道。完全唔係鹽焗雞。
如果以脆皮炸子雞來衡量，咁佢個皮係整得好脆，肉嫩，味道偏淡。以一個脆皮炸子雞係唔錯嘅，但係絕對唔係鹽焗雞囉。
1
🤔糖脆柚皮 柚子皮嘅賣相咁似咕嚕肉嘅？食落都係咕嚕肉嘅feel，外皮酸酸甜甜，內裡係淋淋地嘅柚子皮。似係一個素菜咕嚕肉，但係唔係想食到傳統柚子皮嘅味道同嘅口感。我本來最鍾意食有新鮮感嘅菜式，但覺得咁樣整柚子皮有嘥咗，因為食唔到柚子皮嗰種索晒汁嘅特色同好味。
至於其他餸就正正常常，係符合預期嘅酒樓味道。
2
1
