香港大學校友會

Chef Ecy’s Dining Experience🥰 Food | Ambience | Service | Easy Access | Price | Restroom Cleanliness | Wheelchair Friendly🙂 Easy Parking😠 Pet Friendly | Cake Cutting Fee | Corkage FeeThis restaurant is an exclusive dining clubhouse for HKU Alumni, open to members only. I've visited a couple of times and have always been impressed with their food, and this visit was no exception. Every dish was delicious!The location is very convenient, right in the heart of Central near Lan Kwai Fong. It‘ just 3 minutes walk from Exit D2 Central MTR Station. The entrance is at street level, and a lift takes you up to the restaurant, making it easily accessible for wheelchair users. The venue itself is bright, clean, tidy, and very cozy.The menu has a great variety and changes from time to time. There are many signature dishes, such as Prawn Toast 蝦多士, Almond Juice and Pig's Lung Soup 杏汁豬白肺湯, Baked Salted Chicken 鹽焗雞, and many more. You can choose from both an à la carte menu and set menus.Some of the most impressive dishes included:· The Stir-Fried Grouper Fillet 油泡龍躉球: The fish was delicious and cut into large, generous pieces.· The Baked Salted Chicken 鹽焗雞: It was incredibly impressive, with crispy, thin skin and tender, perfectly seasoned meat.· The Bean Curd Sheet Rolls 素鵝: This dish was very colorful, and the taste was wonderful, with the different textures and flavors combining perfectly when chewed.· The Candied Crispy Pomelo Peel 糖脆柚皮: This was a surprising and delightful dish. The outside was crispy and coated in a sweet and sour sauce, while the inside was soft.Every single dish we ordered was excellent. The hot dishes were served piping hot, still steaming. Service was also excellent.The restrooms are clean and well-maintained. Note that they charge a corkage fee and a cake-cutting fee of HK$150. Although it's a clubhouse, a 10% service charge is also added to the bill.Overall, it was a wonderful dining experience, and we enjoyed ourselves immensely.…查看更多

托同事的鴻福，有幸去香港大學校友會會所餐廳食個晚飯。一直聽聞這餐廳成日full Booking，只供香港大學校友與親友，而且會員制，但都好難book位，尤其在新裝修之後。餐廳就在中環蘭桂坊的大廈內，中環放工走過去，十分方便。環境不大，但是雅致，餐牌選擇多元化，有傳統手工菜、摩登中菜及家常小炒。三色素燻鵝，上枱有玻璃蓋著，取走玻璃蓋，看到煙慢慢飄出來，一陣煙燻香味。涼拌繡球菌 ，爽口又清新，賣相精緻。麻香鳳尾蝦多士有6件，手打的蝦膠炸得金黃，多士香脆可口，原隻蝦肉新鮮彈牙！太極鴛鴦羹，白色是豆腐作底，綠色則是菠菜作底。湯羹做得綿滑，食到粒粒海鮮，口感豐富，可供6位用，我一人都食了兩碗。招牌脆皮鹽焗雞，難怪是招牌，賣相猶如脆皮炸子雞，真的是皮薄肉嫩但又不失鹽焗香！麻香脆皮牛腩（伴咖喱醬）牛腩肉質細嫩，以脆皮包裹，蘸上咖喱醬，香口又邪惡。原個羊肚菌蔬菜炒南瓜 ，用上幾種不同的菇去炒，炒得乾身，加入了榛果仁，更添口感。泡沫蛋白杏仁茶配果仁撻 ，最後來了個法式情調的甜品，帶點中又帶點西式，果仁撻和杏仁茶又完美的配合。整體用餐是有驚喜，以為只是普通中菜，但是這裏的中菜賣相十分精緻，味道好之餘，擺盤亦花過心思。最難得的是價錢仍很親民，長期full Booking是有原因的。席間見到年輕的大廚出來和食客寒暄，感覺餐廳是很有heart的。真希望下次有機會還可以再來。…查看更多

中環鬧市中某棟大廈一樓，藏著一處味覺秘境，會員制的香港大學校友會餐廳，推開大門便隔絕了德己立街的車馬喧囂。幸好有位朋友是校友會會員，可以有機會一試廚師的手藝。三色燻素鵝腐皮將素餡捲成三種層次，煙燻香如薄霧籠罩。咬開時腐皮簌簌碎裂，露出菌菇與蔬菜的內餡，是素齋與燻藝的完美結合。涼拌繡球菌雪白菌體如珊瑚叢生，毛豆散落其間。醋汁調得輕淡，恰好襯托繡球菌獨特的脆嫩質地，清新如初夏微風。麻香鳳尾蝦多士開背鳳尾蝦如扇展開，尾部保持嫣紅弧度。薄漿炸成金黃蛛網，底下多士烘得焦香。醬汁點到即止，保留蝦肉清甜。太極鴛鴦羹白瓷碗中浮現太極圖案，豆腐羹溫潤如白玉，菠菜羹翠綠似翡翠。湯匙探底舀起魚肚與海鮮，是視覺與味覺的雙重享受。招牌脆皮鹽焗雞雞皮如琥珀薄片透光，鹽焗香氣內斂沉穩。撕開時肉汁沿著紋理流淌，鹹香恰到好處地滲入每絲肌理，連胸肉都保持著溏心般的嫩度。麻香脆皮牛腩打破對牛腩的既定想像，外層炸衣薄如蟬翼，咬下時發出清脆聲響，內裡牛腩仍保持柔嫩，麻香咖哩汁在唇齒間流轉，是傳統與創意的精彩碰撞。原個羊肚菌蔬菜炒南瓜羊肚菌飽吸醬汁，咬下時在齒間迸發鮮醇。雞髀菇與紅蘿蔔切作均勻塊狀，夏威夷果仁的脆香點亮整道菜餚的層次。泡沫杏仁茶配果仁撻現打蛋白泡沫輕覆在杏仁茶上，如雪落南國。杏仁茶溫潤少甜，佐以酥脆果仁撻，為這場私密饗宴畫下圓滿句點。沒有網紅的打卡，但這裡有時光淬鍊出的手藝，在低調的空間裡靜待知味之人。#會員制 #隱世粵菜 #港島私房味 #太極鴛鴦羹 #麻香牛腩 #香港大學校友會…查看更多

朋友生日揀左去「香港大學校友會」食飯慶祝，餐廳行會員制，閒日都差唔多full house，不過呢度相對易book，無某d 舊友會咁串同難book前菜三色熏素鵝以3款素菜作餡料再包上腐皮，每一啖口腔都充斥住煙熏既香味麻香鳳尾蝦多士以圓形呈獻細細舊既蝦多士，無平時個d大大件咁膩，蘸埋個他他醬更加好食湯金銀杏汁燉白肺湯奶白色既豬肺湯，杏汁濃度恰到好處，如果有多幾舊豬肺食下就更好了主菜冰梅京燒骨味道酸酸甜甜，仲有火龍果粒同橙皮作點綴金沙麥皮黃金蝦啖啖肉既黃金蝦，蛋黃本身惹味得黎都較膩，加埋麥皮感覺更加膩椒鹽鮮魷鮮魷新鮮彈牙，脆漿唔厚又鬆脆，香口惹味蒜片燒汁安格斯封門柳粒牛柳粒嫩腍，仲有杏鮑菇條，配埋蒜片，不錯脆皮炸子雞（半隻）個皮真係又薄又脆，雞肉嫩滑，味道亦都岩岩好蔬菜薑汁芥蘭啫啫唐生菜麵桂花炒新竹米粉米粉炒得好乾身，桂花其實係蛋碎，仲食到咸蛋黃味，上面仲有d金華火腿絲甜品壽桃薑汁棗皇糕薑汁味好濃，口感非常煙韌，甜度亦都岩岩好環境舒適，冷氣好夠，食物亦都有質素，服務亦都唔錯，價錢我覺得好抵食，最重要係呢度book位唔洗受氣，食得開心☺️…查看更多

最近和朋友相約吃中菜聚會，剛巧朋友是香港大學校友，幸運地由他預約校友會的中菜廳，一嚐這間預約困難店！餐廳環境雅致，當日全場滿座，服務貼心到位，食物更是色香味俱全！三色燻素鵝腐皮包裹著三種顏色的素菜，綠橙啡的組合很鮮艷。以玻璃罩著上桌，打開煙燻香氣撲鼻！素鵝外皮酥脆，口感口足！涼拌繡球菌賣相精美，猶如繡毬花般美麗。加上不同顏色的食用花及毛豆，視覺上己經很滿足！繡球菌很爽口，醋香為菜式帶來清新的感覺！麻香鳳尾蝦多士多士炸得香脆，絲毫沒有油膩感，蝦肉爽彈，金黃外表令人食慾大增！太極鴛鴦羹白綠湯羹流轉成太極圖案呈現，豆腐羹和蔬菜羹的配搭好夾，湯羹細滑，內有海鮮粒為口感提升不少。招牌脆皮鹽焗雞雞皮相當薄脆，肉質嫩滑多汁。麻香脆皮牛腩脆皮外層包裹住牛腩，牛腩好軟嫩。沾麻香咖哩汁一同，夠哂惹味！原個羊肚菌蔬菜炒南瓜羊肚菌飽滿，咬開啖啖濃郁菌汁。蔬菜同南瓜抄香，更加入夏威夷果仁，口感十足！泡沫杏仁茶配果仁撻現打泡沫如雲朵飄浮，賣相非常吸引！杏仁茶溫潤回甘。撻殼盛著烘烤果仁，酥脆可口。…查看更多

因為裝修後很久沒來了，又掛念這裏懷舊中菜的味道，尤其蝦多士，所以訂了枱。但很失望，這裏的蝦多士，蝦變小了，也完全沒有鮮味。椒鹽鮮魷的炸漿太厚，而且魷魚很細小。脆皮牛腩的炸漿太厚粉。預訂了鹽焗脆皮雞，但這只是一隻普通炸子雞，完全吃不到鹽焗雞的味道。整個晚飯最正常是這一味啫啫唐生菜。濃海鮮脆米泡飯裏面只有蝦，完全沒有其他海鮮，而且湯底好像是加了鮮奶做出的湯。…查看更多

環境頗舒適，有private room for 大班人聚會。先講個人覺得最出色嘅菜式：拔絲鳳梨咕嚕肉唔係特別鍾意食咕嚕肉，但係呢度嘅味道做得好出色。第一啖食落去個皮好脆好有咬口，個汁酸酸甜甜得來亦都好溫和唔會好霸道。外脆內軟嘅口感，絕對令我就算唔特別鍾意食咕嚕肉，都夾完又再夾來食。杏汁燉白肺湯係呢度嘅名物，飲落有淡淡嘅杏汁味唔腥，好療癒。符合預期嘅味道。南瓜盅炒素：南瓜外殼係純粹for 賣相，入邊d 菇炒得好乾身又好香口，又mix 埋唔同嘅菇類有唔同口感，好食。比較失望嘅，係：🤔古法鹽焗雞上到枱嚟個樣唔似鹽焗雞，問侍應係咪來錯？佢話係鹽焗雞呀。但係食落，點都係脆皮炸子雞嘅口感同味道。完全唔係鹽焗雞。如果以脆皮炸子雞來衡量，咁佢個皮係整得好脆，肉嫩，味道偏淡。以一個脆皮炸子雞係唔錯嘅，但係絕對唔係鹽焗雞囉。🤔糖脆柚皮   柚子皮嘅賣相咁似咕嚕肉嘅？食落都係咕嚕肉嘅feel，外皮酸酸甜甜，內裡係淋淋地嘅柚子皮。似係一個素菜咕嚕肉，但係唔係想食到傳統柚子皮嘅味道同嘅口感。我本來最鍾意食有新鮮感嘅菜式，但覺得咁樣整柚子皮有嘥咗，因為食唔到柚子皮嗰種索晒汁嘅特色同好味。至於其他餸就正正常常，係符合預期嘅酒樓味道。…查看更多

@HONG KONG UNIVERSITY ALUMNI ASSOCIATION香港大學校友會🏫星期日。中環。原來真係冇人🤪（竟然有種隱秘的愉悅感🩶）飲飲食食傾吓偈🥂香港大學校友會無論是點心還是傳統小菜，水準都相當不錯，選擇亦多樣化！特別推介太極☯️鴛鴦羹，色香味全😋🌟食評指數：8/10💁🏻‍♀️人均消費～HKD280 (lunch)🗺️ 地址：香港大學校友會 (中環)中環德己立街2號業豐大廈101室…查看更多

朋友是校友會會藉，平日晚上已經坐滿人了。我們三人order了 兩個前菜，三個主菜，三份甜點。最後很飽的離開餐廳。前菜1）糖脆柚皮都幾特別 但食後有點苦澀味道也值得推介 因為製造過程都唔係容易2）三色腐皮卷呢個食落好 好清新 很夾主菜1）脆皮麻香牛腩看照片 吸引 但食食下有D 漏2）竹筒焗滑鱔超級推介 好爽口 好味3） 南瓜時蔬味道出色甜品果凍 最出色 唔太甜 口感好好味呀蛋白杏仁茶 好甜 我覺得可以不用食至於服務方面D staff cool cool地 但好專業…查看更多

新裝修後第一次嚟，聽講大廚係由香格里拉嘅香宮加盟，難怪食物有水準。當晚我哋包房由經理發辦菜單，炸柚皮、焗響螺、咕嚕肉、尖椒魚塊、蒸牛肉餅等，需不是名貴材料，但全部出品都在水準以上。我哋帶咗八支酒，職員主動幫我哋換酒杯，專業地連威士忌杯加冰都有，又幫我哋分生日蛋糕影，非常主動提供服務兩星期之後我再book位，可惜晚飯滿座。香港食肆成日嗌艱難，其實市場一直係汰弱留強，呢間用心出品，服務殷勤，我會再嚟幫襯！…查看更多

同事吹雞去中環香港大學校友會晚飯😘原想試佢地出名嘅八寶鴨、脆皮百花雞😘好可惜忘記預定！下次要早兩日訂咗先😅餐前小食👍煙燻素鵝一上㭘用玻璃煙燻蓋著，所以素鵝有煙燻味！羊肚菌蔬菜炒南瓜清新素菜👍黄金蝦球蝦球爽口👍燻魚啖啖魚肉👍糖脆柚皮賣相吸引！可惜柚皮帶苦澀😳紅燒五花腩魚湯海鮮脆米泡飯濃郁魚香味👍👍經典鴛鴦飯好懷舊菜之一👍蛋黃蓮蓉壽包…查看更多

多得朋友係會員可以訂枱一行十人食晚餐有得坐入獨立房，雖然入左房，但職員都好細心服務👍🏼人多最好就係試到好多唔同菜式專登提早預留既 蝦多士薰魚，甜甜地 外皮脆脆的食落口似銀雪魚咁既味道😋😋白肺湯糖醋柚皮，外脆內軟 不過我自己就覺得有少少苦，可能食唔慣紅燒五花腩，肥而不膩，個底仲墊左咸菜 送飯一流😝😝鹽焗脆皮雞另外呢個牛肉配左沙嗲汁都幾有驚喜，無諗過係中菜廳食到呢個味道自己好中意個炆飯太極芝麻糕都一定要試，心機之選 …查看更多

部門請來了summer interns剛好是港大學生。二話不說帶隊去HKUAA welcome lunch。大廳滿座了, 我們一行六人被安排去Bar咁一於食express lunch。白肺湯確實已不如從前, 好像欠缺了什麼... 主食我揀了乾抄牛河, 竟然喜出望外：用封門柳抄而且夠鑊氣！食炒河又怎能無辣椒醬, 經理介紹原來是本地品牌生產余均益辣醬好玩又好味的一餐！…查看更多

新裝修後，成間餐廳感覺升格咗，餐牌嘅菜式都玩新派風。來忘掉過去，整體菜式係幾好的。杏汁燉白肺湯（位上）記憶要跑出黎，阻都阻唔到，一啖喚醒，揮之不去，忘不了忘不了。有比較有失落，肉粒多過豬肺，僅有的兩粒豬肺沒有滑溜溜，卻成為湯渣的一份子。杏汁是香濃的，卻有微苦餘韻，不是不好，只是回憶太美好蝦多士配黑松露沙律醬精緻美味，唔會一口油，睇得出造型上嘅工夫鯧魚（黃立䱽）魚骨恐懼症嘅朋友唔使驚，師傅已起晒魚肉，安心食用。魚骨炸得香脆，吞得落肚招牌松露脆皮雞半隻脆皮雞幾好食，肉質嫩滑，皮薄香脆。碟邊嘅黑松露醬似乎有點畫蛇添足，不加也罷。紅燒豆腐煲正常地好味炸芒果牛奶卷呢個有啲似炸鮮奶，換上芒果牛奶，創意度滿分。…查看更多

以前在中環返工的時候，不在員工飯堂吃時這裏便是我的飯堂，因為中環很難找到一個地方可以坐低慢慢傾偈，而且食物品質高😋😋今次再度重臨，香港大學校友會已經換了餐廳班底。新菜式令人驚喜，服務也比以前細心，可是沒有以前常點的蜆蚧鯪魚球，有點可惜。首先，叫了白肺湯，好飲，但感覺上沒有以前那麼濃味。由於當天天氣很熱，點了糖醋柚皮及煙燻素鵝，其中糖醋柚皮味道清新😋😃而煙燻素鵝上菜的時候也令人驚喜☺️最後叫了欖菜四季豆，有鑊氣👍🏼希望可以很快再次來品嚐其他菜式。…查看更多