影片
更多
2023-12-01
15 浏览
哈日組員又完成回鄉之旅，派手信加飯局當然要啦，為照顧佢嘅和食慾望，呢間居酒屋應該幫到手。坐底後先送上前菜 ($28)，係椰菜，甘荀及青瓜條，沾上自家製麵豉醬一齊食，甜甜咸咸味中又有脆度，有D想問佢拎多碟 (哈哈……)見到師傅一人坐陣，密密手咁燒，所以一早落咗串燒柯打自家製免治鷄肉棒 (溫泉蛋) ($84)每串型狀不一，打好溫泉蛋再沾上，綿滑免治鷄肉中又食到鷄軟骨嘅脆度，就係要有呢D口感。鷄皮($32)同鷄軟骨($25)燒至鷄皮卜卜脆，脂肪都”消失”了，私心推介。呢串柚子芥末墨魚鬚 ($38)，想試但又驚燒完會唔會變好韌，好彩無餘仲係幾有彈性。店員誠意推介嘅白鱔 ($88)，肥美肉厚。燒至皮香肉彈牙，食一舊都相當滿足。另一必食係厚切牛舌 ($78)，貨真價實，中間仍帶少少粉紅色，所以口感滿滿之餘仍係嫩滑嘅。食緊串燒之際，蟹肉薯仔沙律 ($78)就出場啦。賣相簡單但顏色吸引。足足有成3球薯蓉，夾雜住蟹柳片，沙律菜同車厘茄，軟綿薯蓉加清爽沙律菜，相當抵食。本來係叫咗炸池魚仔，可惜無貨 (嗚…嗚…)，改食辛辣炸鷄 ($68)。後面果2杯分別係Highball ($88)及熱情果梳打 ($40)
坐底後先送上前菜 ($28)，係椰菜，甘荀及青瓜條，沾上自家製麵豉醬一齊食，甜甜咸咸味中又有脆度，有D想問佢拎多碟 (哈哈……)
見到師傅一人坐陣，密密手咁燒，所以一早落咗串燒柯打
自家製免治鷄肉棒 (溫泉蛋) ($84)
每串型狀不一，打好溫泉蛋再沾上，綿滑免治鷄肉中又食到鷄軟骨嘅脆度，就係要有呢D口感。鷄皮($32)同鷄軟骨($25)
燒至鷄皮卜卜脆，脂肪都”消失”了，私心推介。
呢串柚子芥末墨魚鬚 ($38)，想試但又驚燒完會唔會變好韌，好彩無餘仲係幾有彈性。
店員誠意推介嘅白鱔 ($88)，肥美肉厚。
燒至皮香肉彈牙，食一舊都相當滿足。
另一必食係厚切牛舌 ($78)，貨真價實，中間仍帶少少粉紅色，所以口感滿滿之餘仍係嫩滑嘅。
食緊串燒之際，蟹肉薯仔沙律 ($78)就出場啦。賣相簡單但顏色吸引。
足足有成3球薯蓉，夾雜住蟹柳片，沙律菜同車厘茄，軟綿薯蓉加清爽沙律菜，相當抵食。
本來係叫咗炸池魚仔，可惜無貨 (嗚…嗚…)，改食辛辣炸鷄 ($68)。後面果2杯分別係Highball ($88)及熱情果梳打 ($40)，辛辣炸物配凍飲，岩數。
炸漿用上薯片碎一齊炸，香脆度倍增，雞肉仍帶肉汁，點埋個有辣度嘅辛辣醬，惹味又辛辣。
炸物停不了，身為芝士控的我，又點會走漏呢客一口炸芝士 ($58)呢?!
一咬內裏嘅芝士輕易瀉出，外脆內軟，滿口芝士香味，用嚟配Highball，正喎。
食到呢到，其實已有六成飽，但友人係澱粉質組員，再叫埋呢客安格斯牛肉炒飯 ($138)。即叫即炒，飯粒炒至粒粒分明，唔油，偶爾食到牛肉粒，食下食下又食得晒喎。
埋單時仲送埋呢張食滿$500減$100嘅優惠券 (只限晚市)，咁即係又多個回頭嘅誘因啦?!
张贴
