安平燒肉

营业中

休息中

同朋友喺旺角搵地方大食一餐，揀左新推出嘅120分鐘日本A4+和牛饗宴，有和牛同海鮮任食，仲包埋啤酒放題，CP高！下次會再黎~🌟極．厚切檸檬牛舌。必食之一。除左佢好有儀式感，會連刀叉同沙漏一齊上，慢慢燒到6成熟，牛舌粉嫩彈牙。配埋檸檬清香，食落清爽唔膩，咁靚嘅質素，淨係呢度都回晒本喇！🔥日本A4+醬燒一口和牛丁。切成小丁嘅和牛脂肪均勻，燒後嫩滑多汁，特製醬汁帶甜鹹香，入口牛味濃郁🏅日本A4+和牛壽喜燒係朋友至愛之一。牛肩胛肉眼三大片，油花靚，涮熟後入口即化，壽喜燒汁甜鹹平衡🥢澳洲M8和牛肩胛肉香突出，燒完Juicy唔柴，食落好滿足🐠海鮮方面，威士忌釀鮑魚軟腍入味，威士忌醬帶微甜同煙燻味，好有特色。👍🏻黃油蒜烤帆立貝蒜香同牛油好夾，帆立貝鮮甜彈牙🥢灸烤生蠔 (鹽蒜)，簡單燒熟，入口有海水味，啖啖肥美多汁，鹽蒜醬提鮮🥢最後再食埋個安平櫻花蝦飯，香脆可口，櫻花蝦嘅鮮味同飯好夾，值得食多碗🤣朋友發現呢度有個「十二味醬專區」覺得好有心思。招牌黃金醬用蔬菜汁同台灣麻醬，味道清新；香辣烤肉辣椒粉微辣開胃，配牛肉好提味。