緻素坊

营业中

休息中

朋友生日飯想食齋，上網搵到呢間素食館，見評價唔錯，就嚟試吓，無錯菜式味道有啲驚喜，例如叉燒炒河、炸蘿蔔糕、同鬼馬炒雙蔬真心好味，唔油膩調味亦好適中，唔會死咸重口味，酸辣湯有些少麻辣味都幾特別;反而有啲較為貴嘅菜式如片皮鴨和金牌榆耳竹笙煲，就有啲失望，片皮鴨整得太乾，竹笙煲就太水汪汪，個汁似湯非湯，材料如果加多少少成件事會好好多，不過整體上食物味道尚可，價格就屬於中上。值得注意嘅係，本來覺得呢間食店唔收切餅費都幾大方啦，點知原來帶蛋糕嚟食必須買佢哋嘅即棄餐具，店員係會收起所有餐具碗碟，連一對筷子留低做公筷都堅決不提供，呢點令作為食客嘅我哋相當反感，餐具已買，想借用一下筷子分蛋糕都被拒絕，好似有啲不近人情，唔識轉駁，究竟咁嘅服務仲會否求回頭客呢？就算味道頂流都係咁話，真係唔好怪港人鍾意北上消費。