緻素坊

放工同班friend去尖沙咀緻素坊食晚餐，地點唔算就腳，行到去都出汗💦。入到去環境幾闊落，但燈光暗啲，感覺有啲似高級版茶樓🍵。蘿蔔絲酥餅外皮鬆化到癲，一咬落去「沙」一聲碎晒，入面蘿蔔絲清甜冇渣，仲要夠熱辣辣，正過唔少酒樓！黑松露野菌餃皮薄到透光，一啖咬落去黑松露味爆出嚟，仲有啲菇粒彈牙嘅口感，素食做到咁濃味真係有驚喜👏鬼馬炒雙蔬個名已經贏晒，其實係炸芋絲同埋唔知咩蔬菜炒埋一碟，脆卜卜又夠鑊氣，送飯一流，不過食多兩啖開始覺得油膩，要飲啖茶沖沖🫖整體食物質素中上，但價錢就進取啲，人均$250左右。最抵讚係佢哋用新鮮食材，唔會死咸，不過服務就真係要改善吓，明明唔滿座都趕頭趕命咁，想傾多陣計都好似阻住地球轉咁🌍⋯今時今日咁嘅服務態度，真係抵港人北上消費㗎！…查看更多

一行五人到尖沙咀緻素坊食午飯。預約時知道用膳時間只有90分鐘，但若到時尚有枱，可以讓我們多些時間用膳。我們吃了點心，再想加炒飯的時候，被服務員告知已夠鐘，「未能落單」及「要馬上埋單離開」。一般在限時用餐的食肆，會在席間預早通知客人尚有多少時間及詢問會否加食物等。但…那時我們見餐廳內尚有兩張枱未有人坐，向服務員提出：「你們尚未有客人等枱，可否跟經理取得酌情處理，替我們落單。」她問了，回覆是：「不可以」。毫無彈性，按本子辦事，實在趕客！今時今日這樣的服務態度，仍然在香港可以遇上。…查看更多

已訂枱，十二點鐘兩位，準時到，喺門口要等幾分鐘，等接待姐姐講完電話至理我。 有幾張四五個人嘅空枱，但係安排我坐喺門口嘅臨時摺枱。 見到有卡位空枱想轉枱，姐姐話唔可以，要三個人至可以坐。 稍後有兩三枱兩個客人，冇訂位都可以坐四五個人嘅枱， 其中一枱見到有空卡位，想轉枱就安排佢哋轉台。 真失望！懷舊蝦多士又鹹又肥膩， 擔擔麵賣相都唔似擔擔麵。不會再送上門受氣。…查看更多

朋友生日飯想食齋，上網搵到呢間素食館，見評價唔錯，就嚟試吓，無錯菜式味道有啲驚喜，例如叉燒炒河、炸蘿蔔糕、同鬼馬炒雙蔬真心好味，唔油膩調味亦好適中，唔會死咸重口味，酸辣湯有些少麻辣味都幾特別;反而有啲較為貴嘅菜式如片皮鴨和金牌榆耳竹笙煲，就有啲失望，片皮鴨整得太乾，竹笙煲就太水汪汪，個汁似湯非湯，材料如果加多少少成件事會好好多，不過整體上食物味道尚可，價格就屬於中上。值得注意嘅係，本來覺得呢間食店唔收切餅費都幾大方啦，點知原來帶蛋糕嚟食必須買佢哋嘅即棄餐具，店員係會收起所有餐具碗碟，連一對筷子留低做公筷都堅決不提供，呢點令作為食客嘅我哋相當反感，餐具已買，想借用一下筷子分蛋糕都被拒絕，好似有啲不近人情，唔識轉駁，究竟咁嘅服務仲會否求回頭客呢？就算味道頂流都係咁話，真係唔好怪港人鍾意北上消費。…查看更多

多次專程由東九龍打的來光顧外賣，所有蒸點 如蝦餃，腸粉、糯米珍珠雞等都很好，但每次叫乾炒河粉，總是有一種油的異味，可能是翻用多次炸過其他食物的油用來再炒河。希望下次可以有所改善。 今次除了以上點心外、這次加點咸水角，味道很好。等候的時間不長，只是十五分鐘左右。…查看更多

地鐵站行過去大約10分鐘，唔算太近，用餐環境一般，人多會有啲嘈~✨🔶 甘筍鹹水角 $39呢個賣相幾得意~外皮煙煙韌韌，食落同平時鹹水角差唔多，好食！🔶 黑松露野菌餃 $46黑松露味勁香~菇味都幾突出，素食版嘅小奢華~🔶 素翅灌湯小籠包 $48失望位之一…個皮厚同韌，冇咩湯汁，食落唔多Juicy，有少少難咬開~🔶 香菇燒賣 $42超濃嘅香菇味~但口感有啲奇怪，重口味嘅朋友可能會鍾意~🔶 香煎蘿蔔糕 $39蘿蔔糕質地偏實，煎得唔夠香脆，味道好平實，冇乜驚喜~🔶 春風得意腸 $46腸粉皮夠薄又滑，入邊炸物都仲脆脆哋~整體唔錯，值得encore ~🔶 金箔棗蓉糕 $46煙韌口感幾好，不過甜咗啲…如果轉做薑汁紅棗糕可能會更啱口味~🔶 特色芒果布丁 $48完全係細細個去酒樓食嗰種芒果布甸味！滑滑地、唔會太甜~整體黎講，初頭食落都幾有驚喜，感覺幾新鮮~但食到中後段開始有啲攰，可能因為用嘅食材都圍繞住菇類為主，味道上比較單一，個口入邊成個下午都係菇味，略嫌有啲漏⋯而且價錢都唔算平，對比落性價比就…見仁見智啦~如果您本身鍾意食素、特別係鍾意食唔同種類嘅菇，可以一試~…查看更多

幾年前黎過一次，記得好少會有素點心食&地方唔大，地理位置比較偏僻，無論係尖東站/尖沙咀站行過去都要10分鐘，襯住平日，又同時係情人節過黎食LUNCH。1. 蘿蔔絲酥餅：好鬆化，夠熱&香口，味度適中。2. 香酥咖哩角：口感跟(1) 差唔多，餡好似粉果，唔油膩。3. 素翅灌湯小籠包：賣相唔靚，食落皮厚又乾 NONONO。4. 金獎紫醉金迷：原來係芋蓉包，冇咩特別，食完真係好飽。5. 竹笙素翅灌湯餃：皮有點厚，勝在餡多，湯又夠味，仲有2條竹笙。6. 片皮鴨：用猴頭菇與腐皮組成，猴頭菇切成長方塊狀，上面的腐皮炸至酥脆，食落真係「咔嚓」，再配上青瓜絲、紅椒絲、荀絲、哈密瓜絲，仿真度高，而且加上哈密瓜絲會冇咁膩。整體服務幾好，店舖唔大，建議事前最好BOOK 位。…查看更多

今日有一個麻麻地嘅經驗，本來朋友介紹我嚟呢間食點心素食，嚟到嘅時候，我見佢哋都係得一兩張枱有客人，咁我好有禮貌咁同侍應姐姐講我一位，點知俾佢呼喝我🫢🫢好不禮貌咁叫我等等😤😤本來我想走🥶🥶不過既然嚟到就食吓啦咁又講句老實話，佢哋個環境真係幾舒適，地方都唔錯，夠晒闊落我叫咗個咕嚕猴頭菇，的確幾好味，而且知道佢哋係用新鮮菠蘿整嘅，呢個值得一讚我再叫咗個擔擔麵，雖然細碗少少不過都幾好味整體嚟講食物質素真係唔錯，呢餐食咗226元…不過嚟嘅時候請先訂位，相信佢哋生意唔錯嘅，不過真係希望佢嘅侍應姐姐禮貌少少囉…查看更多

難得係尖沙咀找到一間素食點心餐廳，地點亦容易搵，滿心期望去嘗試. 🙈可惜整體服務態度太差，唔會推介俾朋友或者再去食. 素食點心質素還算可以, 份量偏細、中位價錢. 0 服務🙊而且餐廳衛生環境一般，同佢哋個社交平台 ，Post 既食物同餐廳環境相，完全兩回事😅其中一個長髮女侍應態度好差，禮貌地問佢有冇lunch set menu ，佢用非常晦氣既嘅態度及好大聲回覆. 接近落場時間，佢已經不斷想趕你走. 其中一位男侍應，話3:00pm 打後主煮餐牌冇得再叫，只可以嗌點心纸既食物，到3:00pm後，我哋想再嗌多一款點心或者甜品，同一位女侍應過嚟，態度好差同我哋講，冇得嗌㗎啦一早同咗你哋講啦. OMG中伏餐廳名單中🫠😅…查看更多

好想試呢一間素食，咁多好評，不過真係冇期望冇失望！除了叉燒比較好食，其他都是份量少，味道麻麻地，性價比不高！有位樓面呀姐推介黃其扒$168，咁就試吓，不過中伏，又冇味，好似蒸嘅碌由皮，my god!至於招呼，又唔係咁差，一般般，老闆就幾好，行來幫我哋影相。9點3 有個男夥計攞張單擺喺張枱度，跟住講（9.9要埋單離座）真係倔擂槌啊，唔該，多謝都冇句😓希望老闆知道，可以改進吓啦，生意會好啲！…查看更多

是日平日來到一間已經食過幾次嘅餐廳食晚飯。訂了晚上七點嘅枱。晚餐時間越看餐牌嘅美食就越肚餓：🥙麻婆豆腐第一次食呢間嘅麻婆豆腐，賣相已經好吸引，䇜汁稠度啱啱好，豆腐滑而入味，味道有層次，微辣嘅味道提升了整道菜，而且好送飯，最後要叫多個白飯，依然令人胃口大開！🥙咕嚕猴頭菇保持水準，口感實在，醬汁唔會過酸，與甜味好平衡。🥙榆耳果仁炒飯炒飯份量偏少，有鑊氣，飯同果仁一齊食，口感好豐富。最後叫左兩碟炒飯，但依然食得曬，無浪費食物。🥙蜜汁叉燒每次都必點嘅餸菜，賣相同味道都神似真叉燒，好味道。🥙有機番薯淮山浸時蔬食材新鮮，如果份量多啲就最好啦。🥙黑松露炒麵絕對有驚喜，炒麵有鑊氣之餘，麵質唔會炒到一餅餅，黑松露嘅淡淡清香加埋芽菜嘅清爽同炒麵好夾。🥙金箔棗蓉糕最後來個甜點作結，棗蓉糕層次分明，煙韌度剛好，重點係唔會太甜。食飯期間係座無虛席，見到有外國人都唔少。…查看更多

其實佢哋食物嘅賣相同味道都唔錯，但我唔會再去，因為員工俾我哋feel 到怨氣十足。🙂‍↕️我哋當日book咗位，姐姐叫我哋等陣，咁我哋咪等吓。點知門口位係出餸位😅然後就俾佢哋個疑似阿頭：借借丫！好！終於可以入座，佢哋幾得意！每個人經過都幾多手，有少少強迫症。我個杯放左放右，其實冇乜所謂啫吓fa~ 只要響枱上咪OK囉，佢一定要郁吓枱上嘅嘢，行過又推一推我哋旁邊張凳，但係好明顯唔係推正佢。放食物落枱上嘅時候，明明只係一碟炸春卷或者燒賣，點都唔會超過半磅，佢放落枱嘅時候，好似舉完重啲大隻佬掟啞鈴咁！唔係好願意同你個茶壺添水都算，離遠聽到其中一個侍應響收銀處好大聲咁講其他同事嘅不是，講佢自己幾唔滿意。當然，唔集中精神嘅人，做嘢就容易錯，埋單嘅時候，佢俾咗好遠張枱嗰張單我哋。隔籬枱就話撈亂，嗰張枱飛到去窗口，都有得亂？咁理所當然，佢哋冇道歉，埋單亦冇講多謝。😒…查看更多

姨甥女睇到網上介紹這間餐廳食物好食，家姐係素食者及就嚟生日，姨甥女即刻打電話去訂位，訂位都要訂2個星期。這間素食餐廳食物質素係好食，但係侍應趕收碟，即係等於趕收工，趕收工即係趕人走先評論食物質素我哋4個人，叫左7個點心，二碟炒飯及炒麵。欖菜炒飯唔多油，粒粒分明，好味黑松路炒麵，好食，豉油不是死甜，有咸味。好多酒樓都係死甜豉油味點心，雞扎包住有粟米芯，冬菇，猴頭菇好味。素蝦餃質感同真蝦餃是一樣，好好味春風得意腸，咸水角，小籠包，帝苗餃都好食手撕杏鮑菇炸得夠香脆。整體食物質素係好食。但係炒麵隻碟剩餘細半碗嘅炒麵，個男侍應不聲一響就收走，我哋即刻同佢講仲有，仲要食呀⋯⋯佢先放回個杏鮑菇碟上還有碎炸，我隻手仲揸住對筷子，剛剛放入口，碟上還有，又係佢，又係即刻收走咗隻碟，他唔須要30秒，行去我哋張枱，只係講一句，食物上齊，就開始收枱面上所有餐具。我真係好想問你哋係唔係2點趕收工。火都嚟…查看更多

今年生日去咗尖沙咀緻素坊食素。我哋叫左六個點心：荀尖蝦餃😉正正常常，味道OK，不過我就覺得size 細咗少少！香菇燒賣🤩香菇味濃厚，加埋素肉剛剛好，好好味！四寶滑雞扎🥳四寶就係大大嚿雪耳，粟米芯，冬菇和猴頭菇，雪耳和猴頭菇都好入味、好腍，仲有輕微的沙羗味！雪山叉燒包🤭如果叉燒多番啲醬汁，就會更加好味！春風得意腸 😁腸粉包裹着油炸鬼和蔬菜絲，腸粉厚度適中，油炸鬼非常脆口！脆皮蘿蔔糕😜即叫即炸的脆醬加軟綿綿的蘿蔔糕，喜歡炸物之選！總括嚟講，係一間值得一試嘅素食點心！整體服務都唔錯。未到午飯時間，都已經滿座。如果帶同長輩嚟食飯，記得訂位啊！🤓🤓…查看更多

有朋友是素食者，所以久不久出來聚會時也刻意找提供素食的餐廳。這次在電視上看到此店的介紹，覺得不錯，今天過來試試。這店人氣盛，怕等位，提早電話訂座。星期日的早上11:00準時到，餐廳已有幾檯客。餐廳佈置古雅，門口有一個大屏風，中間掛上福字，兩旁掛炮仗，喜慶十足。向街的那列窗也貼上中式的掛飾。一位印度人的經理在訂座薄上找到我的訂座資料後引領我們入座。餐廳的面積不大，檯與檯近，不過我們三人坐一張四人圓檯較寬廣。翻看像畫冊一樣的餐牌，餐牌顏色綠色為主調，讓人看得十分舒服。不看餐牌又有另外一張點心紙可選點心吃。我們主要吃點心，點了五款，然後加了一碗麵。川式擔擔淮山麵，麵條順滑，湯底是平常吃的擔擔麵那種味道，有花生醬的香味，少少麻辣的口感，素肉粒也經過烹調，有味道的。黑松露野菌餃，一，體積偏細，餃皮做得薄，可以看到包裹著的野菌。黑松露的味道較淡，不太吃得出來，其餘菌類口感爽。香菇燒賣，一籠四粒，每粒上面都放有杞子，內層是雪耳、木耳等菌類，燒賣皮把材料包得扎實不鬆散，吃起來口感佳。靈芝菇素腸，一碟有六件，腸皮油潤軟滑，靈芝菇爽口。四寶滑雞紮，一籠有兩件，用腐皮去炸的雞紮看上去材料充實，打開來看有雪耳，榆耳、冬菇和猴頭菇。猴頭菇的口感像雞肉，仿真度高。食材蒸出來的汁液味道鮮美，菇菌滲入了汁液，味道更佳。懷舊蝦多士，一碟有四件，賣相像釀豆腐。素蝦打成膠塗在包面後拿去炸，炸得十分脆，吃時仍熱辣辣，口感脆而不覺油膩。吃了上述幾款點心，感覺不是在吃素，廚師能把中國飲食文化配合摩登創作做出仿真度高的素菜，實在是為吃素者帶來口福，而我這個葷食者也很滿意這一餐。…查看更多