老闆娘雲南米線

营业中

休息中

週末嚟到荃灣，專程嚟食老闆娘雲南米線😆 之前嚟過見到門口有長長人龍就冇排隊去試🥲 今次6:30pm前嚟到唔洗排隊，喺門口落單後就直接入座第一次嚟，店員推介蒙古湯同蒜味辣湯湯底，呢兩款都係呢度獨有嘅味道，一於試試🧄BB辣度蒜味辣湯米線，配招牌酥炸雞球，$52已包一餸。蒜味辣湯米線送上枱時已聞到好香蒜蓉味，內有芽菜及肉碎，BB辣度接近無辣。由於炸物製作需時，酥炸雞球要等多大約10分鐘先送上。炸雞球新鮮炸起，外層香脆，內裏肉質滑嫩😋 整體而言味道不錯，如果唔需要排隊都值得去食👍🏽餐廳劃分兩個區域，約有十零張枱，按落單次序入座，餐點亦係順序送上。雖然有2人枱同4人枱，如果2人入座時派到去4人圓枱，係需要同其他人搭枱。