老闆娘雲南米線

米线控朝圣，传说中被米线耽误嘅炸物店😂。揾咗一轮先揾到，位置几隐蔽，我系平日下午五点开门𠮶阵就到，未够半个钟舖头已经坐满，人气真系唔讲得笑。环境比想像中企理，冷气够，坐位唔算多但唔迫。叫咗蒙古汤大辣底米线，𩠌就拣咗杂菌腐皮卷同酱汁猪软骨。炸腐皮卷睇落好多油，但神奇嘅系食落一啲都唔腻，外脆内香，层次感足，口感相当讨好。猪软骨唔系佢哋出名嘅𩠌，但都好出色，够腍又入味，食落有惊喜。蒙古汤底风味独特，有孜然嘅香味，汤底自带肉碎同香葱。因为汤底好浓郁同香辣，以为食完会好口渴，但结果竟然一啲都冇，呢样好加分。总括嚟讲，味道系满足到期待值，如果唔需要排队，一定会再食，但要排太耐嘅就未必会。…查看更多

成日想黎试，但觉得间铺系街市入面会好污糟，点知今日去发觉原来入面空间好大好干净舒服，名物炸鸡球有3大旧，米线份量都算多，腩肉份量好足，有差唔多6、7块，而且有肥有瘦，食完好满足，而且麻辣感仲停留到，但唔会食到好颈渴，下次会试埋蒙古汤底。…查看更多

星期五夜晚，排队用咗10分钟，等餐咗半个钟，嗌咗四个𩠌全部系炸嘢嚟嘅，炸嘢上先，等米线上嚟之后炸嘢已经冻晒，唔净只系我一个人等，应该有20个人左右等紧餐，都系用紧同样嘅半个钟时间去等，食咗第一啖味道怪怪地，冇望隔篱枱，闻一闻隔篱枱味道都系一样咁怪，好似系科技与狠活沟出嚟嘅汤底，好失望，好难食，劲差㗎一顿米线，唔会再有下一次，呢间嘅服务态度超差，老板娘米线可以改名叫你老板米线，绝对唔会有下一次，中伏。我以为呢间米线冇芫荽，葱，韭菜，芽菜系佢间米线嘅特色。原来问咗事宜，系咪呢间米线冇呢啲配料，原来唔系系卖晒，如果你卖晒你要讲俾客人听冇呢啲配料啰，你又唔出声，又要照收钱，米线冇咗呢啲配料即系冇咗灵魂啰，一句讲到尾结果系好难食嘅米线。…查看更多

名过于实，食物质素好普通，价钱贵，吾值等禁耐，职员态度麻麻，卫生环境欠佳，我当天叫外卖，叫左6碗要分汤，但居然每碗之间冇用纸皮隔开，整到个盖融晒，漏晒d汤出嚟，no next time…查看更多

星期五收工由上环搭到荃湾，出闸一直行到香车街街市，到达老板娘米线门口已经7点钟排长龙，等咗半个钟先入座，米线亦都等咗半个钟，8点先食得。结果有啲失望，汤底太酸，配料明显浸汤度煮得唔够耐，一啲都唔入味🥲🥲🥲绿色有营酸辣米线$55+$8雀巢柠檬茶=$61贵过其他同类型嘅米线舖，但味道比唔上云X川或者蓝记，有啲可惜，因为期待咗好多年终于夹到时间过嚟食🥲以下呢个系我自己喺屋企煮嘅米线，材料非常简单，主要系免治猪肉加酸菜加蕃茄，明显入味好多🥲…查看更多