舖面唔錯, 都好多遊客。但格局似中價、速食店,以賣上海北方食物為主。
叫左幾款餸:
雞絲粉皮 – 個碟細到(好似一隻太陽蛋咁細)裝唔晒, 所以做唔到拌醬既效果。味道一般
小籠包 – 皮厚, 肉鞋, 醋唔正宗, 唔得
糖醋骨 – 呢個真係超差。個汁肯定係人地生仔d薑醋汁, 汁好肥, 成層油, 咁都算, 但d排骨無肉, 得一堆骨!
收$36 竟然得一堆骨! 老公想問佢點解會咁,係味餸本身係咁定佢整法有問題, 但我話算啦, 以後唔幫襯就算啦!
菜飯 – 差, 水多, d飯明顯爛, 好難食
坦坦面 – 一般, 沒甚回味
對面有個鬼佬搭枱, 見佢睇menu 有問題, 於是出聲問吓要唔要幫手。佢話唔駛, 但我地都忍唔住同佢講叫佢千其唔好叫呢幾樣。我地同佢講話全間店最好就係包紙包檸檬茶!
