榮記(東成)飯店

营业中

休息中

個仔終於得閒陪父母，一家三口，走上鵝頸橋街市食飯。呢度乜野椒鹽都好食，今次要魷魚鬚，味道唔錯。話晒大牌檔，試下炒蜆，嘩！不得了，原本真係炒得好入味！我影幅相已經無左半碟。又係炸，必食炸大腸；唔係特別正，不過，叫乾淨，內臟呢樣野，都係D試過無事店舖穩陣D。老婆唔食牛，呢度有粉絲駝鳥肉，同牛肉一樣咁有沙爹味，加個魚唇鴨掌，又有菜墊底，全家都食得。大牌檔風味就係有鑊氣，我咁多碟都無小炒，但係都好掂。證明大牌檔煎炒煮炸皆宜。埋單連一枝汽水、一枝啤酒、三個飯，加埋$260，幾抵食！