六國酒店粵軒中菜廳🥢
E幾日best fd從外國返香港玩，臨走前話想食地道懷舊菜，我即刻諗到六國酒店粵軒中菜廳～呢度專攻經典粵菜，環境優雅，訂位帶佢去試，適逢推出「黯然銷魂飯十載情」限定套餐，十周年慶超有心機，已售出超過20,000+碗銷魂飯，梗係要試啦！
套餐每位$388（兩位起，另加一服務費），靈魂菜《十載･銷魂飯》十年優化工藝，用新鮮梅頭肉（每隻豬只得兩條，超稀有🤩），蜜汁烤得外脆內嫩，叉燒油潤焦香，底飯拌紫洋蔥粒同御品醬油，配濃邊煎蛋流汁撈飯，滑溜香濃，視覺味覺雙high，一啖就銷魂到飛起！
《十載･功夫湯》甄選新鮮食材慢火煨，湯汁濃醇鮮美，暖胃一流
《十載･粵點心》有懷舊「六姐粉果」（源自舊日家廚手藝，Q彈鮮甜）配鮑魚燒賣，彈嫩多汁，粵式匠心凸顯
《十載･慶甜圓》黃金煎堆仔外酥內糯，桂花紅豆糕花香清新，完美收尾～
